ڕاگەیەندراوێك لە گەنجانی (عەشیرەتی ھەركی)ـیەوە بۆ ڕای گشتی

ڕاگەیەندراوێك لە گەنجانی (عەشیرەتی ھەركی)ـیەوە بۆ ڕای گشتی

گەنجانی ھەركی: ئێمە بەردەوامین لەسەر رێبازی بارزانی

كۆمەلێك چاڵاكوان و گەنجانی عەشیرەتی ھەركی ڕاگەیەندراوێكیان بڵاوكردەوە و تێدا ئاماژە بەوە دەدەن كە: ماوەی چەند رۆژێكە ناویعەشیرەتەكەمان ھێنراوەتە نێو مڵملانێی سیاسی و لێرە و لەوێ كەسانێك بەناوی عەشیرەتەكەمانەوە دەیانەوێ چەند دەستكەوتێكی ماددیبەدەست بێنن، بۆیە بەپێویستمان زانی ئەم روونكردنەوەیە بنووسین.

ئێمە رێزی تەواومان ھەیە بۆ ھەموو ھاونشتیمانیەك ھەیە و ئەوانەی لە نزیكەوە رۆژێك لە رۆژان تاكێكی عەشیرەتی ھەركی ناسیبێت، دەزانێت چەند رۆحی تەبایی و یەكڕیزی لەناو ئێمەدا ھەیە و بۆیە ئەوەی ئێستا دەنووسین لەسەر ئەو گروپەی عەشیرەتی ھەركی نە رقە و نە بەخواستی كەس نووسراوە، بەلكۆ دەمانەوێ چەند ڕاستیەك بۆ ڕای گشتی ئاشكرا بكەین.

١– بەڕێز جەوھەر ئاغا ھەركی ھیچ كاتێك پارتی نەبووە و دوای رۆخانی رژێمی بەعس حزبێكی دامەزراند بەناوی (ئازادی و دادپەروەری) بەلام بەھۆی ئەوەی كە ھیچ یەكێك لە تاكەكانی عەشیرەتی ھەركی پەیوەندیان بەم حزبەوە نەكرد، ناچار رووی كردە دیمەشق و ماوەیەك لەوێ ژیا، دواتر چوو بۆ شاری (غازی عنتاب) لە توركیا و چەند سالێك لەوێ ژیا و خەریكی كاری بازرگانی بوو.

٢– چەند جارێك بەڕێز سەرۆك بارزانی بانگی جەوھەر ئاغای ھەركی كرد و لەگەلی كۆبووە بەمەبەستی چارەسەركردنی كێشەی زەوی و زاری چەند گوندێكی عەشیرەتی ھەركی لە بادینان، بەلام دواتر دەركەوت ئامانجی جەوەر ئاغا چارەسەركردنی كێشەكە نەبووە، بەلكۆ داوای دەستكەوتی ماددی دەكرد بۆ شەخسی خۆی نەك بۆ زیانلێكەوتوان.

٣– لە ٪‏٩٥ـی عەشیرەتی ھەركی سەر بە رێخستنەكانی پارتی دیموكراتی كوردستانن و ڕێژەیەكی بەرچاوی ھێزەكانی پێشمەرگە پێك دەھێنن، پشكی شێریان لە لیستی شەھیدانی شەڕی دژی داعش بەركەوتووە، ئێمە بەلێنمان داوە لە رێگای پارتی و ڕێبازی بارزانییەوە بەردەوام بین لەخزمتكردن بە نیشتیمان.

٤– داوا لە بەڕێز جەوھەر ئاغا ھەركی و كۆڕەكەی دەكەین چیتر بەناوی ھەموو عەشیرەتی ھەركی قسە نەكەن، چونكە ئەوان و شوێنكەوتوانیان ناگەن بە ھەزار كەس، بۆیە مافی ئەوەیان نییە بەناوی ھەموومانەوە قسە بكەن.

٥– بەداخەوە ھەركی كوڕی جەوھەر ئاغا ھەركی عەشیرەتەكەی ئیمەی خزاندە نێو دونیایی جنو و كۆمێنتی نا تەندروست لە فەیسبووك وداخبارتر ئەوەیە كە ناوی (محێ ئاغا) كە لای ھەموومان ناوێكی گەورە و ڕێزلێگیراوە، بەكار دەھێنێت بۆ مەرامە تایبەتییەكانی و ھەر رۆژە ولە میدیایەكی دژە كوردستانی بەناوی ھەموو عەشیرەتی ھەركی لێدوان دەدات، ئەمەش دوو بەرەكی دروست كردووە و زیانی بە یەكڕیزی نێو عەشیرەتەكەمان گەیاندووە.

٦– ئێمەی ھەركی لەبیرمان نەكردووە كاتێك جەوھەر ئاغا ھەركی نزیكەی ٣ ھەزار خێزانی ھەركی لەسەر گوندەكانیان گواستەوە بۆ (قەلعە)ـیموسل و دواتر خیانەتی لێكردن و بێ پشت و پەنا جێی ھێشتن و خۆشی لە دیمەشق لە خۆشترین ژیاندا دەژیا، ئێمە ئەم ھەڵەیە دووبارە ناكەینەوە.

كۆمەلێك لە چاڵاكوان و گەنجانی عەشیرەتی ھەركی

٢٤/٥/٢٠٢١