ئه‌مڕۆ په‌رله‌مانی كوردستان گفتوگۆ له‌باره‌ی تاوانه‌كانی كوشتن و خۆكوشتن ده‌كات

چوار وەزیری حکوومەتی هەرێمی کوردستان لە پەرلەمان گفتوگۆ لەبارەی کوشتن و خۆکوشتن دەکەن.

بڕیارە کاتژمێر 11ـی پێش نیوەڕۆی ئەمڕۆ سێشەممە 25-5-2021 پەرلەمانی کوردستان کۆبوونەوەی ژمارە 14ـی ئاسایی خولی بەهارەی ساڵی سێیەم له خولی پێنجه‌می هه‌ڵبژاردنی خۆی، ساز بکات.

لەو کۆبوونەوەیەدا، هەر چوار وەزیر و ئەمینداری ئەنجوومەنی باڵای خانمان لەگەڵ پەرلەمانتاران، گفتوگۆ لەبارەی رووداوەکانی کوشتن و خۆکوشتن لە هەرێمی کوردستان دەکەن، بە مەبەستی دۆزینەوەی هۆکارەکان و چارەسەر بۆیان.

ئەو وەزیرانەی ئامادەی کۆبوونەوەکەی پەرلەمان دەبن:

– رێبەر ئەحمەد، وەزیری ناوخۆ

– پشتیوان سادق، وەزیری ئەوقاف و کاروباری ئایینی

– کوێستان محەمەد، وەزیری کار و کاروباری کۆمەڵایەتی

– حەمەی حەمەسەعید، وەزیری رۆشنبیری و لاوان

– خانزاد ئەحمەد، ئەمینداری ئەنجومەنی باڵای خانمان