وەزیری ناوخۆ قائیمقامی قەزای کۆیە لەکارەکەی دوردەخاتەوە
وەزیری ناوخۆ بڕیاریدا بۆ ماوەی دوو مانگ قائیمقامی قەزای کۆیە لەکارەکەی دوربخاتەوە و رەوانەی دادگای بکات.
لە نوسراوێکدا کە واژۆی رێبەر ئەحمەد وەزیری ناوخۆی حکومەتی هەرێمی لەسەرە تێیدا هاتووە، لەسەر راسپاردەی لیژنەی لێکۆڵینەوە و بەپێی دەسەڵاتەکان کە لەیاسای بەرزەفی فەرمانبەرانی دەوڵەت و کەرتی گشتی هەموارکراوە، بڕیاردراوە بە دەستلەکارکێشانەوەی قائیمقامی قەزای کۆیە بۆماوەی دومانگ لەکارەکەی.
هاوکات لە نوسراوێکی دیکەیدا، کە ئاڕاستەی دەستەی دەستپاکی هەرێمی کوردستانی کردووە، وەزیری ناوخۆ رایگەیاندوە، سەرجەم کۆنوسی لیژنەی لێکۆڵینەوە و وتەکان دەنێرین بەمەبەستی ناردنی قائیمقامی قەزای کۆیە بۆ بەردەم دادگای لێکۆڵینەوەی دەستپاکی.
