داعش به‌رپرسیارێتی ته‌قینه‌وه‌كه‌ی كازمییه‌ی به‌غدای گرته ئه‌ستۆى خۆی
ئاژانسی ئه‌عماقی سه‌ر به ڕێكخراوى تیرۆرستى داعش بڵاویان كردووه‌ته‌وه، كه‌وا به مه‌فره‌زه‌یه‌كی ته‌ناهییه‌وه توانیویانه ناوچه ته‌ناهییه‌كانى عێراق بشكێنن و ته‌قینه‌وه‌كه‌ی كازمییه ئه‌نجام بده‌ن، كه تێیدا دوو كه‌س گیانیان له ده‌ست دا و 14 كه‌سی تریش بریندار بوون.
ئاژانسه‌كه باسی له‌وه‌شكردووه، ته‌قینه‌وه‌كه قه‌ره‌باڵغییه‌كی شیعه‌كانی كردووه‌ته ئامانج، كه له به‌رده‌م مه‌زارگه‌یه‌كیان له ناوچه‌ی كازمییه‌ی به‌غدا درووستیان كردبوو.
به گوێره‌ی زانیاری ئه‌و ئاژانسه‌ی داعش، له ئاكامی ته‌قینه‌وه‌كه سێ كوژراو و زیاتر له 20 بریندار هه‌ن.
شایه‌نى باسه ته‌قینه‌وه‌كه له شوێنێكى قه‌ره‌باڵغی شیعه‌كان ئامانج دراوه، كه نزیكه له مه‌زارگه‌یه‌كى شیعه‌كان له ناوچه‌ی كازمییه‌ی به‌غدا، به‌ڵام داعش جیاواز له ئامارى وه‌زاره‌تى ته‌ندروستى عێراقى ئاماژه‌ى كردووه كه‌وا له ئاكامی ته‌قینه‌وه‌كه سێ كوژرا و زیاتر له 20 بریندار هه‌بووه.
