هاووڵاتيه‌كى شارى زاخۆ له بازگه‌ى تاسلوجه‌ى سلێمانى كارتى دڵنيايى ئاسايشى بۆ ده‌كرێت تا بۆ چاره‌سه‌رى بچێته شاره‌كه
سه‌باح محه‌مه‌د ته‌ها به‌رزارى له‌سه‌ر ئه‌و بابه‌ته گوتى :” دواى ئه‌وه‌ى ويستم سه‌ردانى شارى سلێمانى بكه‌م بۆ وه‌رگرتنى چاره‌سه‌رى پزيشكى له سعات (11:24 ) خوله‌ك تاوه‌كو (1:26 ) خوله‌كى دواى نيوه‌ڕۆ له‌بازگه‌ى تاسلوجه‌ى سلێمانى رێگايان پێم نه‌دا بچمه شاره‌كه و مه‌رجى ئه‌وه‌يان به‌سه‌رم سه‌پاند كه كارتى دڵنيايى ئه‌منى دروست بكه‌م ، هه‌رچه‌ند گوتم من كورد بيانى نيمه، خه‌لكى هه‌رێمى كوردستان به‌ڵام ئه‌وان گوتيان رێگات پێ ناده‌ين تاوه‌كو كارته‌كه دروست نه‌كه‌ى.
ئه‌و هاووڵاتيه‌ى شارى زاخۆ كه بۆ خانێ نيوز قسه‌ى كردووه راشيگه‌ياندووه:” كارتێكى دڵنيايى ئه‌منيان بۆم دروست كرد بۆ ماوه‌ى مانگێك وه‌كو هاووڵاتيه‌كى بيانى كه كورد نه‌بێت و خه‌ڵكى كوردستانيش نه‌بێت ئه‌مه سه‌ره‌ڕاى مانه‌وه بۆ ماوه‌ى چه‌ند كاتژمێرێك له‌كاتێكدا من هيچ كێشه‌يه‌كى ئه‌منيم نيه بۆيه سه‌رسوڕمان بووم بۆ شارێك كه له هه‌رێمى كوردستان بێت و بازگه‌كه‌ى بۆ كوردێك ئه‌و ناسنامه‌يه دروست بكات .
