له‌سه‌ر شه‌ڕه‌كه‌ی ئه‌مڕۆ وه‌زاره‌تی پێشمه‌رگه راگه‌یه‌ندراوێكی بڵاوكرده‌وه
وه‌زاره‌تی پێشمه‌رگه‌ی حكومه‌تی هه‌رێمی كوردستان راگه‌یه‌ندراوێكی له‌سه‌ر شه‌ڕه‌كه‌ی ئه‌مڕۆی نێوان پێشمه‌رگه‌و په‌كه‌كه بڵاوكرده‌وه كه تیایدا پێنج پێشمه‌رگه شه‌هید بوون.
له راگه‌یه‌ندراوه‌كه‌ی وه‌زاره‌تی پێشمه‌رگه‌دا هاتووه: بەرەبەیانی ئەمڕۆ شه‌ممه 5ی حوزەیرانی 2021، هێزێکی پێشمەرگە لەکاتی ئەنجامدانی ئەرکێکی سەربازی لەچیای مەتینی قەزای ئامێدی، بەمەبەستی پاراستنی خەڵک و گوندەکانی ئەم ناوچەیە و گەڕاندنەوەی ئاسایش بۆ دەڤەرەکە، لەلایەن هێزێکی په‌كه‌كه‌وه بۆسەیەکیان بۆ دانراوە.
وه‌زاره‌تی پێشمه‌رگه ئاماژه‌ی به‌وه‌شداوه: لە ئەنجامدا پێنج پێشمەرگە شەهید بوون چوار پێشمەرگەی تریش برینداربوون.
ده‌شڵێت: پێشتریش هۆشداریمان دابوو، لەئەگەری روودانی رووداوی لەو شێوەیە، دەبێ هەمووان رێز لەسنووری هەرێم بگرن و ئاسایش و سەقامگیری هەرێمی کوردستان نەخەنە مەترسیەوە.
