هێرشی پێشمەرگە دەستی پێ كرد
هێزەكانی پێشمەرگەی كوردستان و سوپای عێراق و فڕۆكە جەنگییەكان، هێرشیان بۆ سەر مۆڵگەی تیرۆریستانی داعش لە سنووری كفری دەست پێ كرد.
بەپێی ئەو زانیارییانەی دەست دەزگایی “خواکوڕك” کەتوون، هێزێكی هاوبەشی پێشمەرگە و سوپای عێراق بە پاڵپشتی فڕۆكە جەنگییەكان لە سنووری غەڕە و پەلكانە، مۆڵگەكانی داعشیان بۆردمان كرد.
خواکوڕك زانیوویەتی، ئەو هێرشە هەڵمەتی كێوماڵكردنی تیرۆریستانی داعشە لە سنووری زەرگە لە ڕۆژئاوای خورماتوو، ناوچەكانی غەڕە و پەلكانە دەگرێتەوە.
لە زانیارییەكاندا هاتووە، تا ئێستە لە ناوچەی زەرگە هێزێكی هاوبەشی سوپای عێراق و حەشدی شەعبی رووبەڕووی تیرۆریستان بوونەتەوە، لە ئاكامی تەقینەوەی بۆمبێكی چێنراویش شەش سەرباز بریندار بوون.
