وەڵامێک بۆ پاشماوەکانی ئەنسار و ئەلقاعیدە
چاودێرێك
گەندەڵی لەهەموو ئەو وڵاتانەی تازە لەسەرەتای دروست بوون و گەشەسەندندان بوونی هەیە و کاتی دەوێت تا میللەتانی ئەو وڵاتانە فێردەبن چۆن گەندەڵی کەم بکرێتەوە و دواتر بنبڕبکرێت، تەجرەبەی هەموو جیهانیش هەروەهابووە، هەربۆیە ناتوانین زۆرتر لەوە پێناسەی گەندەڵی بکەین.
سەبارەت بەچاکسازی و نەهێڵانی گەندەڵیش گومان نییە لە نیەتی جەنابی سەرۆک بارزانی و بەرێز نێچیرڤان بارزانی بۆ چاکسازی و نەهێڵانی گەندەڵی، بەلام خۆ چاکسازی بەڕۆژێک و بە گوتارێک ناکرێت، گەندەڵی بەشێکە لەو تەحەدایەی کە لەهەموو کۆمەڵگا و تاکەکانی دەکرێت، بەڵام تیرۆر و کاری تیرۆرستی هەموو مافێک لەمرۆڤ دەستێنێ و تەحەدای هەموو کۆمەڵگا و تاکەکانی دەکات بەهەموو جیاوازییەک لە نێوان پێکهاتەکانیدا، تەنانەت لە نێوانی ژن و پیاویشدا، گەندەڵی و تەحەدای ڕاستەقینە زانا رۆستایی په‌رله‌مانتاری كۆمه‌ڵی ئیسلامی و ئیبراهیم محەمەد عەزیزی ئه‌ندامی سه‌ركردایه‌تی كۆمه‌ڵی ئیسلامیە کە پاشماوەی ئەنسارولئیسلام و ڕێکخراوی ئەلقاعیدەن، ئەوانە لەگەندەڵیش خراپترن، زانا بۆ ڕادیۆیەکی رووسی دەڵێ: “سەربەخۆیی کوردستان وەک دروشمێکی سیاسی بەکاردەھێنرێت تا ھێزە سیاسیەکانی دیکەی پێ ئیحراج بکرێت” ئیبراهیم محەمەد عەزیزیش له نووسینێكدا دەڵێ: “دەوڵەتی کوردی تەنها بۆ مزایەدە بەکاری دەهێنێت” ئەی نموونەی دەوڵەتەکەی ئێوە چیە؟ بێگومان دەوڵەتەکەی تاڵیبان و دەوڵەتەکەی ئەبوبەکری بەغدادییە، تەجرەبەیەکیشمان لێتان بینی ئەویش دەوڵەتەکەی بیارەتان بوو.
ئێوە گورگی ناو کۆمەڵگان و ناتوانن ڕاست بن، خاوەنی ئەو زمانەن بۆیە زۆربەی زۆری ئەندام و کادیر و لایەنگرانتان ڕۆیشتن و چوون بوون بەداعش، هەرکاتێک لەلایەن هەرکەسێک و لایەنێک باس لە چاکسازی بکرێت لەگەڵ ئێوە باس ناکرێت، چونکە ئێوە ئەوە نین کە ئەوجۆرە باسەتان لەگەڵدا باس بکرێت، ئێوە کەسانێکن هیچ جۆرە پڕۆژە و ئامانجێکتان نییە تەنها تێکدان و وێرانکردنی کوردستان نەبێت، نا ڕاستگۆترین کەسانی ناوکۆمەڵگای ئێمە ئێوەن، ئێوە ڕۆشەنبیر کوژ و ژن کوژن، ئەو قسانەشی کە دەیکەن دەبێ بزانن ئێوە کێن و ئەو دەنگە زڕەی کەهەشتانە کەس گوێتان لێ ناگرێت.
ئەو دەوڵەتەی کوردستان کە ئێوە باسی دەکەن بۆ موزایەدە و دروشمە بەکوێرایی چاووی ئێوە دروست دەبێت، دەزانین ئەو دەوڵەتە کوردیە لەبەرچاویشتان دروست بێت، ئێمە دەی بینین ئێوە نایبینن، چونکە دروست بوونی ئەو دەوڵەتە واتا لەگۆڕنانی خەونەکانی ئێوە.
