كه‌ركووك زياتر بێ كاره‌با ده‌بێت … داعش چه‌ند تاوه‌رێكى كاره‌باى ڕووخاند
لە سنووری شارى كەركووك داعش چەند تاوەرێكی كارەبای ڕووخاند و به‌مه‌ش ئه‌و شاره زياتر تووشى كه‌مى كاره‌با ده‌بێت.
سه‌رچاوه‌يه‌ك له‌شارى كه‌ركووك به ده‌زگاى ميديايى خواكوڕكى ڕاگەیاند: ” لە سنوورى ناوچەی بای حەسەنی سەر بە قەزای دوبزی پارێزگای كەركووك، تيرۆرستانى داعش چه‌ند تاوه‌رێكى كاره‌بايان خسته خواره‌وه لە ڕێگای تەقینەوەی بۆمبی چێندراوەوە، “.
ئه‌و سه‌رچاوه‌يه گوتيشى :” هاووڵاتيانى شارى كه‌ركووك و سنووره‌كه خۆيان له‌ده‌ست كه‌مى خزمه‌تگوزارى و نه‌بوونى كاره‌با ده‌نالێنن ته‌قاندنه‌وه و تێكدانى تاوه‌ره‌كانى ووزه‌ى كاره‌باش وا ده‌كات زياتر ئه‌و خه‌ڵكى بێ كاره‌با بێت و ئه‌وه‌ى هه‌يه ئه‌وه‌ش نامێنێ.”
