هاووڵاتیان دەتوانن پرسیار لە حکومەت بکەن و وڵام وەربگرنەوە
فەرمانگەی میدیا و زانیاری حکومەتی هەرێمى کوردستان لە تۆڕی کۆمەڵایەتی تویتەر کەمپەینێکی با ناوونیشانی “پرسیار لە حکومەتى هەرێمى کوردستان” دەست پێ کردووه كه ئامانج لێ ى ئاشنابوون و بەدواداچوون بە کاروچالاکی و پڕۆژەکانی حکومەتی هەرێمی کوردستانه له‌لايه‌ن هاووڵاتيانه‌وه،
حکومەتى هەرێمى کوردستان کەمپەینى”پرسیار لە حکومەتى هەرێمى کوردستان ” بە هاشتاگى (#AskKRG) لە تۆڕی کۆمەڵایەتی تویتەر و لە رێگەى تویتەرى حکومەتى هەرێمى كوردستانەوە ” دەست پێ کردووه و، وەڵامى هەموو هاووڵاتیانى کوردستان دەداتەوە کە هەر لە ڕێگەى تویتەرەکەوە پرسیار لەبارەى حکومەت و پڕۆژە و کار و چالاکییەکانى حکومەت دەکەن و
پرسيارى هاووڵاتيان لە لایەن د.جووتيار عادل، گوتەبێژی حکومەتی هەرێمی کوردستان وەڵام دەدرێتەوە.
بڕياره له کەمپەینەکەدا حكومه‌تى هه‌رێمى كوردستان هەر جارەى پرسێک بورووژێنرێت بۆ ئەوەى هاووڵاتیان بزانن لەبارەى چییەوە پرسیار بکەن، ”
له‌ئێستادا هاتووڵاتيان ده‌توانن پرسيار لەسەر بابەتی کشتوکاڵ و سەرچاوەکانی ئاوە لە هەرێمی کوردستان ئاراستەی حکومەتی بکەن.
په‌يوه‌ست به كه‌مپه‌ينه‌كه‌ش د.جوتیار عادل، گوتەبێژ و سەرۆکی فەرمانگەی میدیا و زانیاری حکومەتی هەرێمی کوردستان ، رایگەیاند: ”حکومەتی هەرێمی کوردستان، حکومەتی ئێوەیە و بۆ خزمەتی ئێوە دامەزراوە”، ئەمەشى بە مەبەستى ناسینى حکومەت بە وردى و نزیکی هێنایە سەر زمان تا هاووڵاتیان “ئاشنا بن بە پڕۆژە و پلانەکان”.
جوتیار عادل گوتیشى: “پرسیار ئاراستەی ئێمە بکەن و ئێمەش بە خۆشحاڵییەوە وەڵامی بەڕێزتان دەدەینەوە.”
د. جوتیار عادل، گوتەبێژی حکومەتی ھەرێمی کوردستان: بۆ ئەوەی ئاشنا بیت بە کار و پڕۆژەکانی حکومەت، پرسیار ئاراستەی ئێمە بکە و ئێمەش بە خۆشحاڵییەوە وەڵامت دەدەینەوە.#AskKRG pic.twitter.com/MqjjPA4K3Q
— Kurdistan Regional Government (@Kurdistan) June 18, 2021
