پۆليسى هه‌ولێر ده‌ستگيركردنى تۆمه‌تبارێكى راگه‌ياند
به‌رێوه‌به‌رايه‌تى پۆليسى هه‌ولێر ده‌ستگيركردنى تۆمه‌تبارێك راده‌گه‌ينێت و ده‌لێ : پەڕاوی لێكۆڵینەوەی بۆ رێكخرا و بە مەبەستی گرتنەبەری رێكارە یاساییەكان.
له راگه‌يێندراوێكدا كه وێنه‌يه‌كى دراوه به ده‌زگا ميديايى خواكوڕك به‌رێوه‌به‌رايه‌تى پۆليسى هه‌ولێر رايگه‌ياند:” بەشی پۆلیسی عەنكاوە، بنكەی پۆلیسی شەمامك، تۆمەتبارێكیان بە ناوی (ف. ح. ق) دەستگیر كرد، كە لە بنكەی پۆلیسی راپەڕین بەپێی ماددە (7)ی توندوتیژیی خێزانی، فەرمانی دەستگیركردنی هەبوو.”
به‌رێوه‌به‌رايه‌تى پۆليسى هه‌ولێر ئاماژه به‌وه‌ش ده‌كات كه تۆمەتباری ئاماژەپێكراو، پەڕاوی لێكۆڵینەوەی بۆ رێكخرا و بە مەبەستی گرتنەبەری رێكارە یاساییەكان، رادەستی بنكەی پۆلیسی راپەڕین كرا.”
