دوای پێنج كۆبوونه‌وه.. یه‌كێتی نه‌یتوانی بڕیاربدات
خواكوڕك
ئه‌مڕۆ شه‌مه 25/2/2017 جارێكیتر سه‌ركردایه‌تی یه‌كێتی كۆبوونه‌وه‌یه‌كی ئه‌نجامدا تاوه‌كو ده‌نگ به‌و پرۆژه‌یه‌ی یه‌كێتی بدات كه‌ناویان ناوه، نه‌خشه‌رێگای یه‌كێتی، به‌ڵام به‌هۆی ناره‌زایی چه‌ند ئه‌ندامێكی سه‌ركردایه‌تی ئه‌و حیزبه، كۆبوونه‌وه‌كه بۆ كاتێكیتر دواخرا.
دوای ئه‌وه‌ی مه‌كته‌بی سیاسی یه‌كێتی پرۆژه‌یه‌كی هه‌شت خاڵی وه‌كو نه‌خشه‌رێگای حزبه‌كه‌ی بۆ ئه‌نجومه‌نی سه‌ركردایه‌تی پێشنیاركرد، چه‌ندین كۆبوونه‌وه له‌لایه‌ن ئه‌ندامانی ئه‌نجوومه‌نی سه‌ركردایه‌تی و مه‌كته‌بی سیاسی ئه‌نجامدرا، به‌ڵام تاوه‌كو ئێستا نه‌توانراوه بخرێته واری جێبه‌جێكردن.
لە کۆبوونەوەی ئەمڕۆی ئەنجومەنی سەرکردایەتی یەکێتیدا گفتوگۆ لەسەر هەر هەشت خاڵەکەى نەخشە ڕێگاکەی یەکێـتى کراوە، به‌ڵام كۆده‌نگی له‌سه‌ر بڕیاردان و جێبه‌جێكردن نه‌بووه بۆیه دواخراوه بۆ هه‌فته‌ی داهاتوو.
