دهۆك : ب کۆژمێ زێدەتر ژ حەفت ملیار دیناران پرۆژە چوونە بوارێ جھئینانێ دا.
پارێزگارێ دهۆكێ ديار كر:” ل پارێزگەھا دھۆکێ ھژمارەکا پرۆژێن گرنگ ژ پێخەمەت خزمەتکرنا خەلکی دھێنە ئەنجامدان و ئەڤرۆ رۆژا دووشەمبی ب کۆژمێ زێدەتر ژ حەفت ملیار دیناران پرۆژە چوونە بوارێ جھئینانێ دا.
د. عه‌لى ته‌ته‌ر، پارێزگارێ دهۆكێ ل په‌يجێ فه‌رميێ خۆ ل تۆرا كۆمه‌لاتيێ فه‌يسبووكێ راگه‌هاند:” ئەڤرۆ رۆژا دووشەمبی ب کۆژمێ ٧،٢٠٢،٥٩٧،٠٠٠ حەفت ملیار و دووسەودوو ملیۆن و پێنچ سەد و نوت و حەفت هزار دیناران پرۆژێن خزمەتگۆزاری بۆ بجهئینانێ هاته هنارتن،”
پارێزگارێ دهۆكێ گوت ژى :” هەروەسا دۆپاتدکەین هژمارەکا دی یا پرۆژان دقۆناغێن راگەهاندن و ب تەندەکرن و رەوانەیی جێبەجێکرنێدانە کو کارگێریا پارێزگەهێ کار لسەر دکەت و دێ کەڤنە دخزمەتا هاولاتیێن هەمی دەڤەرداریێن پارێزگەها دهۆکێ دا و ئەو پرۆژێن ئەڤرۆ هاتینە رەوانەکرن ئەڤێن ل خۆارێ نە:
– سەخبێریکرنا رێکا گۆندێن “بانەسور،شاوریکێ،بروحەجەرا،ناڤدارا، ئەلندکێ، چرانی، گەلناسکێ” ل سنۆرێ ناوچەداریا مانگێشکێ.
– سەخبێریکرنا گۆندێ شیفکێ ل ناوچەداریا قەسروکێ.
– چێکرنا رێکێن گۆندێن”کەلەکچی،زیناڤا کەڤن، تل جومل” ل ناوچەداریا کەلەکچی.
– سەخبێریکرنا رێکا گۆندێ ئاشکا ل ناوچەداریا قەسرۆکێ.
– ڤەکرن و چێکرن و کونکریتکرنا کۆمەکا جادان ل تاخێن جۆدا ل سنۆرێ باژێرڤانیا رۆژئاڤا ل سەنتەرێ باژێرێ دهۆکێ.
– ڤەکرن و چێکرن و کونکریتکرنا کۆمەکا جادان ل تاخێن جۆدا ل سنۆرێ باژێرڤانیا رۆژهەلات ل سەنتەرێ باژێرێ دهۆکێ.
– چێکرنا رێکا “باکرمان، پیلمەندی، کشکاو” و هەشت گۆندێن درێکێدا ب درێژاهیا ١١.٥ کیلۆمەترا ل سنۆرێ دەڤەرداریا ئاکرێ.
