ڕێباز حەملان: كابینەی نۆیەم بەردەوام بووە لە ئاوەدانكردنەوە
ڕێباز حەملان یاریدەدەری سەرۆك وەزیران بۆ كاروباری ئابووری ڕای دەگەیەنێت، كابینەی نۆیەمی حكوومەتی هەرێمی كوردستان، بەردەوام بووە لە ئاوەدانكردنەوە، هەروەها هەوڵەكان بۆ ڕیفۆرم لە داهاتی نەوت و ناوخۆ بۆ پەرلەمان خراوەتەڕوو.
ئەمڕۆ یەكشەممە، ڕێباز حەملان یاریدەدەری سەرۆك وەزیران بۆ كاروباری ئابووری، لە لاپەڕەی تایبەتی خۆی لە فەیسبووك نووسیویەتی، كابینەی نۆ دەستپێكێكی پڕ لە هیوا و ئاڵنگارییەكی گەورەیە لە دوو ساڵدا، دەرئەنجامی بەرچاو لە ئاست چاوەڕوانیدا لە جێبەجێكردنی بەڵێنەكانیدایە كە رای گەیاندبوو.
ڕوونی كردووەتەوە، رێككەوتن لەگەڵ بەغدا و رێككەوتن و لە سەرەتای ئەم هەفتەیە، دەرئەنجامی ئەو رێككەوتنە دەردەكەوێت، هەروەها چاكسازی و ریفۆرم لە داهاتی نەوت و داهاتی ناوخۆ و خەرجی و هەمووی بۆ گەل و پەرلەمان خرایە روو.
باسی لەوەش كردووە، ئەو كابینەیە لە ئاوەدانی و بەردەوامبوون لە پڕۆژەی خزمەتگوزاری و شەقام و پرد و نەخۆشخانە و كارگە و وەبەرهێنان و رەخساندنی هەلی كار لە كەرتی تایبەت بەردەوامە، هەروەها گرنگیدان بە كشتوكاڵ و پیشەسازی و بازرگانی و گەشتیاری، دروستكردنی سایلۆ و وەبەرهێنان لە بواری كشتوكاڵ و پڕۆژەی نوێی گەشتیاری بووە.
یاردەدەری سەرۆك وەزیران دەڵێت، حكوومەتی خەڵك و كوردستانە بێ جیاوازی ناوچە و رەنگ و ئاین و زمان خزمەتی كردووە، بەردەوام بووە لە كۆڵنەدان تا دوو ساڵی تر، تەواوی كارنامەكە جێبەجێ دەكرێت، چونكە كاپتنی ئەم كاروانە خاوەن بڕیار و بە ئیرادە و نیشتمانپەروەر و ماندوونەناسە.
دوێنێ دوو ساڵ بەسەر پێكهێنانی كابینەی نۆیەمی حكوومەتی هەرێمی كوردستان تێپەڕ بوو، بەشایەتی خەڵكی كوردستان و لایەنە سیاسییەكان، ئەم حكوومەتە بە حكوومەتی چاكسازی و خزمەتگوزاری هەژمار دەكرێ.
