حكومه‌تی هه‌رێمی كوردستان ئامادەيی بۆ بەهاناوەچوونی قوربانییانی ئاگرەکەی پارێزگای زیقار دەربڕی
حکومەتی هەرێمی کوردستان ئامادەیی بۆ بەهاناوەچوونی قوربانییانی ئاگرەکەی نه‌خۆشخانەی حوسێن له ناسریه دەردەبڕێت.
سامان بەرزنجی، وەزیری تەندروستی حکومەتی هەرێمی کوردستان، لە پەیوەندییەکی تەلەفۆنیدا لەگەڵ وەزارەتی تەندروستی عێراق و پارێزگاری زیقار و بەرێوەبەری تەندروستی زیقار، ئامادەیی حکومەتی هەرێمی کوردستانی دەربڕی بۆ فریاگوزاری و ناردنی هەر پێداویستییەکی پزیشکی و پێشوازیکردنی برینداران و نەخۆشان بۆ نەخۆشخانەکانی هەرێم و هاوکاریکردنیان.
تەندروستی زیقار بڵاویکردووەتەوە، بەهۆی ئەو ئاگرەکەی کە شەوی رابردوو لە نەخۆشخانەی حوسێن لە ناسریە کەوتەوە، 58 کەس گیانیان لەدەستداوە.
هەروەها بەڕێوەبەرایەرتی تەندروستی بەهۆی ئەو رووداوە باری لەناکاوی راگەیاندووە.
به گوێره‌ی راگه‌یه‌نراوێكی وه‌زاره‌تی ته‌ندروستی عێراق ژمارەی ئەو کەسانەی بەھۆی کەوتنەوەی ئاگر لە نەخۆشخانەیەکی تایبەت بە تووشبووانی پەتای ڤایرۆسی کۆرۆنای نوێ لە پارێزگای زیقار لە عێراق گیانیان لەدەستداوه گەیشتۆته 41 کەس.
