پارێزگارێ ئێسنێ ئەلمانیا : دەستە خوشکیا پارێزگەها دهۆک و ئێسنێ دێ یا بەردەوام بیت و دێ بەرفرەهتر لێ دهێت.
![](https://xwakurk.com/wp-content/uploads/2021/07/د-عهلى-تهتهر-پارێزگارى-دهۆك-له-ئهلمانيا.jpg)
راگههاندنا پارێزگهها دهۆك بڵاڤكر كو ئەڤرۆ رۆژا سێشەمبی رێکەفتی ٢٠٢١/٧/١٣ بەرێز ”د.عەلی تەتەر” پارێزگارێ دهۆکێ ژلایێ بەرێز ” تۆماس کۆفن” Thomas Kufen پارێزگارێ ئێسنێ ل کۆمارا فیدرالیا ئەلمانیا هاتە پێشوازیکرن.
دهەڤدیتنێدا ل دۆر پەیوەندییێن پارێزگەها دهۆکێ و ئێسنێ دانوستاندن هاتەکرن کو بەری نۆکە دەستە خۆشکی دناڤبەرا وان دا د بیاڤێ ساخلەمیێ دا هەبوو و دسەرەدانێدا هەردوولا دۆپاتکر کو ئەڤ پەیوەندیە دێ هێتە بەرفرەهکرن و د بیاڤێن بەرگریا شارستانی، پەروەردە، بازرگانی و وەبەرهێناندا.
دپەیڤەکێدا پارێزگارێ ئێسنێ سۆپاسیا سەرەدانا پارێزگارێ دهۆکێ کر بۆ کۆمارا فیدرالیا ئەلمانیا و پارێزگەها ئێسنێ و دادیارکرن: ئەم سۆپاسیا حکۆمەتا خۆجهی و خەلکێ پارێزگەها دهۆکێ دکەین کو هندی هژمارا ئاکنجیێن خۆ ئاوارە و پەنابەر حەواندیین و هەروەسا گۆت دەستە خۆشکیا مە دگەل پارێزگەها دهۆکێ دێ یا بەردەوام بیت و بەرفرەهتر لێ دهێت.
پارێزگارێ دهۆکێ دپەیڤەکێدا سۆپاسیا پێشوازیا گەرما پارێزگارێ ئێسنێ کر و راگەهاند ئەم سۆپاسیا هاریکاریێن مرۆڤایەتی یێن کۆمارا فیدرالیا ئەلمانیا و هەوە دکەین، هیڤیدارین ئەڤ پەیوەندیی و هەماهەنگیە یا بەردەوام بیت و پێشڤەچوونێ بخۆڤە بینیت.
دڤێ هەڤدیتنێدا پارێزگارێ دهۆکێ سۆپاسیا رۆلێ گرنگ و کاریگەرێ رێکخراوا کاریتاس د پێشکێشکرنا هاریکاریان و ئاڤاکرنا پەیوەندیان داکر و لوگویێ رێزلێنانێ یێ پارێزگەها دهۆکێ پێکێشی بەرێز “مارکۆس کامپلینک” رێڤەبەرێ گشتی یێ رێکخراوێ کر.
![](https://xwakurk.com/wp-content/uploads/2021/07/216400027_3691147647657497_7633141342375606125_n-300x135.jpg)
![](https://xwakurk.com/wp-content/uploads/2021/07/216948735_3691147627657499_3147850256439549597_n-300x135.jpg)
![](https://xwakurk.com/wp-content/uploads/2021/07/217084976_3691147634324165_7440023150511698192_n-300x135.jpg)
![](https://xwakurk.com/wp-content/uploads/2021/07/217303388_3691147617657500_3068920369555059651_n-300x135.jpg)
![](https://xwakurk.com/wp-content/uploads/2021/07/217489414_3691147644324164_7223620670744207164_n-300x135.jpg)
![](https://xwakurk.com/wp-content/uploads/2021/07/218473094_3691147624324166_2278067670092253340_n-300x135.jpg)