كێڵگه‌ی ئه‌لعومه‌ری دێرزوور بۆردومان كرا كه بنكه‌ى سه‌ربازى ئه‌مه‌ریكا و هاوپه‌یمانێتی نێوده‌وڵه‌تی لێيه
جارێكی دیكه، به مووشه‌ك هێرش كرایه‌وه سه‌ر كێڵگه‌ی ئه‌لعومه‌ر له ده‌وروبه‌ری خۆرهه‌ڵاتی دێرزوور.
كێڵگه‌ی ئه‌لعومه‌ر، بنكه‌ی سه‌ربازی سوپای ئه‌مه‌ریكا و هاوپه‌یمانێتی نێوده‌وڵه‌تی دژ به داعشی تێدا جێگیر كراوه.
به گوێره‌ی زانیارییه میدیاییه‌كان، له دووره‌وه دووكه‌ڵی ره‌شی ئاگركه‌وتنه‌وه و بۆردومانه‌كه، كه له بنكه سه‌ربازییه‌كه‌ی ئه‌مه‌ریكا به‌رز ده‌بوویه‌وه بینراوه.
میدیای گرووپه چه‌كدارییه‌كانی لایه‌نگری ئێران بڵاویانكردووه‌ته‌وه، نیوه‌ڕۆی ئه‌مڕۆ كاتژمێر (12:15) و دوای نیوه‌ڕۆ كاتژمێر (1:00) به مووشه‌ك بۆردومانی بنكه سه‌ربازییه‌كه‌یان كردووه.
له (11ی ته‌مموز)یشدا به مووشه‌ك هێرشكرایه سه‌ر بنكه‌كه و له هه‌فته‌ی رابردووه‌وه ئه‌مه سێیه‌م جاره به‌و جۆره مووشه‌ك ئاراسته‌ی بنكه‌كه بكرێت.
س : K24
