گوته‌بێژى هاوپەیمانانی نێودەوڵەتی: لەگەڵ هێزی دژە تیرۆری کوردستان یەک ئامانجمان هەیە
گوتەبێژی هێزەکانی هاوپەیمانان لە عێراق و سوریا سەبارەت بە دەستگیرکردنی گرووپێکی تیرۆریستانی داعش لە لایەن هێزەکانی دژەتیرۆری کوردستانەوە په‌يامێكى بڵاوکردەوە.
لە راگەیەندراوێکدا دوێنێ سێشه‌ممه ئەنجوومەنی ئاساییشی هەرێمی کوردستان دانپێدانانی گرووپێکی تیرۆریستانی داعشی بڵاوکردەوە کە لەلایەن بەڕێوەبەرایەتیی گشتیی دژەتیرۆری کوردستانەوە دەستگیر کراون و بەنیازبوونە پێش جەژنی قوربان لە شاری هەولێر چەند کردەوەیەکی تیرۆریستیی ئەنجام بدەن.
له په‌يامه‌كه‌يدا كه له تۆڕى كۆمه‌ڵايه‌تى تويته‌ر بڵايكردۆته‌وه، واینێ مارۆتۆ، گوتەبێژی هێزەکانی هاوپەیمانان لە عێراق و سوریا لەسەر دەستگیرکردنی گرووپە تیرۆریستییەکەی دوێنێ كه له‌لايه‌ن ئه‌نجوومه‌نى ئاسايشى كوردستان ده‌ستگير كران نووسیویەتی: “دەستگیرکردنی گرووپێکی تیرۆریستیی لە لایەن هێزی دژەتیرۆری هەرێمی کوردستانی عێراق دەرخەری ئەوەیە کە هاوبەشە ئەمنییەکانمان لە هەرێمی کوردستان رژدن لەسەر پاراستنی کۆمەڵگاکەیان و دڵنیاییدان لەوەی چەتەکانی داعش دووبارە خۆ ڕێکناخەنەوە”.
گوتەبێژی هێزەکانی هاوپەیمانان دەشڵێت: “بەیەکەوە یەک ئامانجمان هەیە کە ئەویش دڵنیاییدانە لە سەقامگیری عێراق و ناوچەکە”.
The recent arrest of a terrorist cell by KRI’s counter-terrorism unit reflects the commitment of our KRI security partners to secure the safety of their community & ensure Daesh gangs never regroup. Together, we share the goals of a secure Iraq & regional stability. #DefeatDaesh
— OIR Spokesman Col. Wayne Marotto (@OIRSpox) July 14, 2021
