دەروازەی ئیبراهیم خەلیل لەبارەی هاتوچۆی گەشتیاران بۆ تورکیا روونكردنه‌وه‌يه‌ك بڵاو ده‌كاته‌وه
لە راگەیەندراوێکدا، کومەڵگای دەروازەیی نێودەوڵەتی ئیبراھیم خەلیل، لەبارەی هاتوچۆی گەشتیاران بۆ تورکیا،رايده‌گه‌ينێت: دانانی نۆبەت بۆ پەڕینەوەی گەشتیارانی هەرێمی کوردستان بۆ تورکیا، بەهۆی قەرەباڵغی و زۆریی گەشتیارانە.
دەقی راگەیەندراوەکەى گوته‌بێژى کومەڵگای دەروازەیی نێودەوڵەتی ئیبراھیم خەلیل:
راگەیێندراوێک لە گوتەبێژی کومەڵگای دەروازەی نێودەوڵەتی ئیبراھیم خەلیلەوە
خەڵکی بەڕێزی خۆمان ئاگادار دەکەین کە ھاتن و چوون لە نێوان ھەرێمی کوردستان و وڵاتی تورکیادا ئاساییەو بەردەوامە، بەڵام لەبەر ھاتنی جەژنی قوربان و پشووی فەرمی لە ھەرێمی کوردستان، ژمارەیەکی زۆری خەڵک بە مەبەستی گەشتیاری ڕوو لە وڵاتی تورکیا دەکەن، ئەم چەندەش بۆیتە ئەگەری دروست بوونی قەرەباڵغییەکی زۆر (ترافیک) و تواناکانی ئێمەو لایەنی تورکیاش بو دەرباز کردن و وەرگرتنی گەشتیاران سنوردارە، بەڵام لە ئێستادا لە دوایی ھەماھەنگی لە نێوان بەرێوەبەرایەتی دەروازەیی نێودەڵەتی ئیبراھیم خەلیل و لایەنی تورکیا، تیمەکانی کارکردن فراوانتر کران و پرۆسەکە خێراتر بووە. تەنھا لەبەر ئەم ھۆکارانە لە سنوری نێوان ئێمەو وڵاتی تورکیادا نوبە (سرە) بۆ گەشتیاران دروست ببوو.
کامی کەمال
گوتەبێژی کومەڵگای دەروازەیی نێودەوڵەتی ئیبراھیم خەلیل
١٦\٧\٢٠٢١
