لە رێگای نێوان باشیک – زێلکان بۆمبێک بە ھێزەکانی تورکیادا تەقیەوە
لەسەر رێگای نێوان باشیک – زیلکان بۆمبێکی چێندراو بە هێزەکانی تورکیادا تەقییەوە و قائیمقامی شێخانیش زانیاری لەمبارەیەوە دەخاتە روو.
سه‌ردار یه‌حیا، قائیمقامی قه‌زای شێخان رایگەیاند: “ئەمڕۆ شەممە 17ی7ی2021، لە دەقەری زیلکان سەر بە قەزای شێخان، بۆمبێکی چێندراو بە کاروانێکی هێزەکانی تورکیادا تەقیەوە و لە ئەنجامدا دوو سەربازی تورکیا بریندار بوونە.
گوتیشی: “ئەو بۆمبە لەسەر رێگای نێوان باشیک – زیلکان دانراوەتەوە و تێیدا ئۆتۆمبێلێکێ سەربازی تورکیا کە دوو سەربازی تێدابووە کراوەتە ئامانج و هەردوو سەربازەکەش برینداربوونە و لێکۆڵینەوەش لەسەر رووداوەکە دەستیپێکردووە”.
س: باسنيوز
