نرخی بەنزین لە هەولێر دادەبەزێت

قایمقامی قەزای ناوەندیی ھەولێر رایدەگەیەنێت، حكوومەتی ھەرێمی كوردستان نرخی بەنزینی لە ژمارەیەک بەنزینخانەی ھەولێر دابەزاند بۆ 660 دیناری عێراقی.

نەبەز عەبدولحەمید, قایمقامی قەزای ناوەندیی ھەولێر رایگەیاند: لە 27 بەنزینخانەی ھەولێر نرخی لیترێك بەنزین کرایە 660 دیناری عێراقی.

نەبەز عەبدولحەمید ئەوەشی رایگەیاندووە: حكوومەتی ھەرێمی كوردستان بە كەمكردنەوەی باج و رێگەدان بە ھاوردەكردنی بەنزین، كار بۆ دابەزینی نرخی بەنزین و باشتركردنی كوالێتیەكەی دەکات.