چه‌ند بريارێك له وه‌زاره‌تى ته‌ندروستيه‌وه بۆ رۆژانى پشوو و جه‌ژنى قوربان
بۆ ڕۆژانی پشوو و جەژنى قوربانى پيرۆز وەزارەتی تەندروستیی چەند بڕیار و ڕێکارێک له پێناو زياتر پێشكه‌شكردنى خزمه‌تى ته‌ندروستى بۆ هاوڵاتيان دەردەکات.
له نووسراوێكى فه‌رميدا كه واژووى د.سامان به‌رزنجى له‌سه‌ره ، وەزارەتی تەندروستی، چەند خاڵێک بۆ گرتنەبەرى رێو شوێنه‌كانى ته‌ندروستى لە رۆژانی جەژنی قوربان، دیاری ده‌كات و نووسراوه‌كه‌شى ئاراستەی هەموو بەڕێوەبەرایەتییە گشتییەکانی تەندروستی لە پارێزگاکان كردووه كه به‌مشێوه‌يه ده‌بێت.
يه‌كه‌م: خشتەی ئێشکگری بۆ سەرجەم ناونیشانەکانی پزیشکی پسپۆڕ و کارمەندانی تەندروستی دابنرێ
دووه‌م : دانانى لێژنەییەکی بەدواداچوونی رۆژانە.
سێيه‌م:ئاماده‌كارى بۆ خزمه‌تگوزارييه‌كانى خواردن و پاكه‌ره‌وه‌و دابينكردنيان
چواره‌م : دەبێت ڕۆژانە ئاماری سەرجەم فریاکەوتنەکان وەربگیرێت .
پێنجه‌م : ئامادەکاری بکرێ بۆ پشکنین و خۆپارێزی و چارەسەری کۆڕۆنا .
شه‌شه‌م : بەدواداچوون بۆ شوێنه گشتییەکان و چاودێری تەندروستی بازاڕ بکرێت،
حه‌وته‌م : دانانى خشتەی تایبەت بە فریاگوزاری خێرا و پزیشکی فریاکەوتن .
هه‌شته‌م : ئاماده‌كارى و پته‌وكردنى خزمه‌تگوزارى ژماره 122
