سه‌رۆكى حكومه‌ت ڕه‌زامه‌ندى له سه‌ر خه‌رج كردنى زياتر له 13 مليار دينار دا بۆ تەواوکردنی پرۆژەی دروستکردنی بەنداوەکان لە هەرێمی کوردستان
وەزارەتی کشتوکاڵ و سەرچاوەکانی ئاوى هه‌رێمى كوردستان ئاشكراى ده‌كات كه بڕی 13.040,000,000 سێزدە ملیار و چل ملیۆن دینار بۆ تەواوکردنی پرۆژەی دروستکردنی بەنداوەکان لە هەرێمی کوردستان تەرخان کرا بەشێوەی نەختینە و قۆناغ لەلایەن سەرۆکی حکومەتی هەرێم .
له راگه‌يێندراوێكدا وەزارەتی کشتوکاڵ و سەرچاوەکانی ئاوى هه‌رێمى كوردستان كه وێنه‌يه‌كى ده‌ست ده‌زگاى ميديايى خواكوڕك كه‌وتووه رايگه‌ياند:” دوابەدوای هەولە بەردەوامەکانی وەزارەتی کشتوکاڵ و سەرچاوەکانی ئاو بۆ رووبەروو بونەوەی دیاردەی ووشکەساڵی ، وە ئاراستەکردنی پاکێجی پێشنیار و چارەسەری و داواکاریەکان بۆ بەردیدی سەرۆکایەتی ئەنجومەنی وەزیران . بۆ ئەم مەبەستە لە رێکەوتی 2021/7/12 بەفەرمانی ژمارە (8439)بەرێز سەرۆکی ئەنجومەنی وەزیرانی هەرێمی کوردستان بەفەرمی رەزامەندی داوە لەسەر دابینکردن و خەرجکردنی بڕی 13.040,000,000 سێزدە ملیار و چل ملیۆن دینار بۆ تەواوکردنی پرۆژەی دروستکردنی بەنداوەکان لە هەرێمی کوردستان بەشێوەی نەختینەو قۆناغ بەپێی کارە ئەنجام دراوەکان و رێنمایەکانی جێبەجێکردنی گرێبەست لەگەڵ حکومەت، کە لە لیستی هاوپێچدا بە ووردەکاریەوە ئاماژە کراوە بە :(ناو – شوێن پرۆژەکە – رێژەی جێبەجێکردن – گوژمەی ماوەی خەملێنراو بە پارە )له کۆی گشتی بۆ تەواوکردنی پرۆژەکان .
