فواد حسێن ناوه‌ڕۆكی كۆبوونه‌وه‌كانی بارزانی ئاشكرا ده‌كات
خواكوڕك
فواد حسێن سه‌رۆكی دیوانی سه‌رۆكایه‌تی هه‌رێمی كوردستان رایده‌گه‌ینێت، پێشتر بارزانی له ئه‌ڵمانیا پێشنیاری ئازادكردنی سه‌ڵاحه‌دین ده‌میرتاش هاوسه‌رۆكی هه‌ده‌په‌ی كردووه و له كۆبوونه‌وه‌كانی له‌گه‌ڵ به‌رپرسانی توركیاش جارێكیتر ئه‌و باسه‌ی ووروژاندووه.
ئه‌مڕۆ دوو شه‌مه 27/2/2017 فوئاد حوسێن سەرۆكی دیوانی سەرۆكایەتی ھەرێمی كوردستان له‌میانی پرێس كۆنفرنسێكدا رایگه‌یاند، كۆمه‌ڵێك پرسی جیواز باسین لێوه‌كراوه، به‌تایبه‌ت ئه‌و پرسانه‌ی په‌یوه‌ندیان هه‌یه به‌دۆخی ناوه‌خۆی توركیا و هه‌رێمی كوردستان و پشتیوانی پێشمه‌رگه دژی شه‌ڕی داعش.
پێشتر خواكوڕك زانیاری له‌باره‌ی هه‌وڵه‌كانی مه‌سعود بارزانی سه‌رۆكی هه‌رێمی كوردستان بڵاو كردبووه‌وه له‌باره‌ی ئازادكردنی هاوسه‌رۆك و په‌رله‌مانتاره‌كانی هه‌ده‌په و ده‌ستپێكردنه‌وه‌ی گفتوگۆی ئاشتی له‌و وڵاته.
رۆژی یەکشەممە 26-2-2017 سه‌رۆكی هه‌رێم گەیشتە ئیستەنبوڵ، بۆ یه‌كه‌مینجا لە فڕۆکەخانەی ئەتاتورک ئاڵای کوردستان بۆ پێشوازیکردنی هەڵکرا، دواتر رەجەب تەییب ئەردۆغان پێشوازی لێی کرد و، بە زمانی کوردی بەخێرهاتنی کرد و، بەیەکەوە کۆبوونەوە.
