سەرۆك بارزانی بۆ جەژنا چلێ هاڤینێ یا ئێزیدیان : ئومێدا من ئەوە كو خوشك و برایێت ئێزیدی ژیان و هەمی جەژن و هەلكەفتێت ئایینی د ئارامی و تەناهیێ ببەنە سەر.
سەرۆك بارزانی بۆ جەژنا چلێ هاڤینێ یا ئێزیدیان په‌يامه‌كا پيرۆزباهيێ بڵاقكر و راگه‌هاند:هیڤیدارم ئەڤ جەژنە بۆ هەمی ئێزیدیان و ب تایبەت ئێزیدیێت كوردستانێ ببیتە دەستپێكا خۆشیێ و ساڕێژبوونا هەمی برین و ئێش و ئازارێت دەستێ تیرۆرێ.
ده‌قێ پەیاما سەرۆك بارزانی بۆ جەژنا چلێ هاڤینێ یا ئێزیدیان :.
ب ناڤێ خودایێ مەزن و دلۆڤان
بە هەلكەفتا جەژنا چلێ هاڤینێ یا خوشك و برایێن ئێزیدی پیرۆزباییەكا گەرم ل ئەنجوومەنا رۆحانی و هەمی ئێزیدیێت كوردستانێ و جیهانێ دكەم.
هیڤیدارم ئەڤ جەژنە بۆ هەمی ئێزیدیان و ب تایبەت ئێزیدیێت كوردستانێ ببیتە دەستپێكا خۆشیێ و ساڕێژبوونا هەمی برین و ئێش و ئازارێت دەستێ تیرۆرێ.
ئومێدا من ئەوە كو خوشك و برایێت ئێزیدی ژیان و هەمی جەژن و هەلكەفتێت ئایینی د ئارامی و تەناهیێ ببەنە سەر.
جەژنا هەوە پیرۆز بیت و بمینن ب خێر و خۆشی
مسعود بارزانی
٢ ئاب ٢٠٢۱
