سه‌رۆك بارزانى، په‌يامێكى سه‌ره‌خۆشى بۆ كۆچى دوايى مامۆستا فایەق تۆفیق بڵاوده‌كاته‌وه
سه‌رۆك بارزانى، په‌يامێكى سه‌ره‌خۆشى بۆ كۆچى دوايى مامۆستا فایەق تۆفیق بڵاوده‌كاته‌وه و رايده‌گه‌ينێت: كاك فایەق فەرماندە و پێشمەرگەیەكی رێگەی خەباتی رزگاریخوازی گەلی كوردستان بووە و لە دوای راپەڕینشەوە لە چەندین پێگەی بەرپرسیاریەتی بە دڵسۆزی و كارامەیی و هەستی بەرزی نیشتیمانپەروەری خزمەتی بە میللەتەكەی كردووە. .
ده‌قى پەیامی سەرەخۆشی سەرۆك بارزانی بۆ كۆچی دوایی فایەق تۆفیق
بەناوی خودای بەخشندە و میهرەبان
بەداخێكی زۆرەوە هەواڵی كۆچی دوایی پێشمەرگەی دڵسۆز و وەفاداری ڕێبازی بارزانی و کوردایەتی كاك (فایەق تۆفیق) ناسراو بە(فایقەرەش)مان بیست.
كاك فایەق فەرماندە و پێشمەرگەیەكی رێگەی خەباتی رزگاریخوازی گەلی كوردستان بووە و لە دوای راپەڕینشەوە لە چەندین پێگەی بەرپرسیاریەتی بە دڵسۆزی و كارامەیی و هەستی بەرزی نیشتیمانپەروەری خزمەتی بە میللەتەكەی كردووە.
پرسە و سەرەخۆشی لە خۆمان و تەواوی خانەوادە و كەسوكار و ئاشنایانی خوالێخۆشبوو دەكەم، خۆم بە هاوبەشی خەمیان دەزانم.
لە خودای گەورە داواكارم سەبر و ئارامی بەهەموو لایەك ببەخشێت و رۆحی كاكە فایەق بەر دلۆڤانی خۆی بخات و بە بەهەشتی بەرینی شاد بكات.
انا للە و انا الیە راجعون
مەسعود بارزانی
٧ـی ئابی ٢٠٢١
