ئاڵا تاڵەبانی كێشەی دوو بەرەکی بۆ یەكێتی دروست دەكات، بڕیاری کۆتایی درا
بە نووسراوێكی فەرمی، ئاڵا تاڵەبانی لە لیستی كاندیدانی یەكێتی بۆ هەڵبژاردنەكان دوور دەخرێتەوە، بەڵام خۆی نووسینگەیەك دەكاتەوە و بەناوی هەوپەیمانی كوردستانی و دەستی بە بانگەشە كردووە.
ئەمڕۆ دووشەممە ٢٣ی ٨ی ٢٠٢١، بەپێی نووسراوێكی مەكتەبی هەڵبژاردنەكانی یەكێتی كە تێیدا هاتووە، شەش كاندیدیان هەیە لە سنووری كەركووك و سەڵاحەدین، ناوی دیلان غەفوور كاندیدی سەربەخۆ لە شوێنی ئاڵا تاڵەبانی دانراوە.
لە نووسراوەكەدا ئەوەیش ڕوون كراوەتەوە، ئەو شەش كاندیدە نوێنەرایەتی یەكێتی دەكەن، بەپێچەوانەوە لێپرسینەوە لەو هەڤاڵانە دەكرێت كە بانگەشەی هەڵبژاردن و كەمپەین بۆ هەر كاندیدێكی تر لە دەرەوەی یەكێتیی نیشتمانیی كوردستان دەكەن.
بەپێی ئەو زانیاری و وێنانەی دەست “خواکوڕك” كەوتوون، دوێنێ بەفەرمی ئاڵا تاڵەبانی نووسینگەی بانگەشەی تایبەت بە هەڵبژاردنەكانی لە كەركووك كردووەتەوە و دەستی بە بانگەشە كردووە.
دەستپێكردنی بانگەشەی ئاڵا تاڵەبانی بە لۆگۆ و ناوی لیستی هاوپەیمانییە، ئەوەیش یەكێتیی نیگەران كردووە و وایكردووە دیلان غەفوور بە بەربژێری خۆیان بزانن لە شوێنی ئەو.
پێشتر ئاڵا تاڵەبانی لەسەر لیستە عەرەبییەكانی دژی كوردستان، كاندید بووە و چووە ئەنجوومەنی نوێنەرانی عێراق كە ماوەی هەشت ساڵە جگە لە زیانگەیاندن بە كورد، هیچ سوودێكی نەبووە.
