حکومەتی هەرێمی کوردستان لەبارەی داڕشتنی سیاسەتی ئاسایشی خۆراک وچارەسەرکردنی گرانبوونی نرخی نان بڕیار دەدات
فەرمانگەی میدیا و زانیاریی حکومەتی هەرێمی کوردستان رايگه‌ياند:” رۆژی یەکشەممە ٢٢/٨/٢٠٢١، لە دیوانی ئەنجومەنی وەزیرانی هەرێمی کوردستان، کۆبوونەوەیەکی تایبەت بە کێشە هەنووکەییەکانی هەرێمی کوردستان ڕێکخرا کە تەواوکەری کۆبوونەوەکەی رۆژی پێنجشەممە ٢٠/٨/٢٠٢١ بوو.
کۆبوونەوەکە بە سەرۆکایەتی د.ئومێد سەباح، سەرۆکی دیوانی سەرۆکایەتی ئەنجومەنی وەزیران و ئامادەبوونی وەزیرانی کارەبا، بازرگانی و پشەسازی، سەرۆکی دەستەی وەبەرهێنان، سەرۆکی فەرمانگەی هەماهەنگی و بەدواداچوون وبریکاری وەزارەتی کشتوکاڵ و سەرچاوەکانی ئاو بەڕێوەچوو.
فەرمانگەی میدیا و زانیاریی حکومەتی هەرێمی کوردستان راشيگه‌ياند:” بەشێکی کۆبوونەوەکە تایبەت بوو هەوڵەکان بۆچارەسەرکردنی کێشەی گەنم و ئارد لە هەرێمی کوردستان و بۆ ئەو مەبەستەش وەزارەتی بازرگانی و پیشەسازی ڕاسپێردرا کە ژمارەی فڕنەکان لە ھەرێمی کوردستان دەستنیشان بکات و پۆلێنیان بکات لەسەر توانا و ژمارەی کرێکار و بە چ وزەیەکیش کار دەکەن.
لە هەمان کاتدا ئەو رێژەی ئاردە دیاری بکات کە ساڵانە لە هەرێمی کوردستان ساڵانە هاوردەی دەکات و کێشە و گیروگرفتەکانی ھاوردەکردنی ئاردیش دیاری بکات.
باسىى له‌وه‌شكرد كه:” هەر لە کۆبوونەوکەدا وەزارەتی کشتوکاڵ و سەرچاوەکانی ئاو ڕاسپێردرا بۆ ئەوەی بەرھەمی ڕاستەقینەی گەنم لە ھەرێمی کوردستان دیاری بکات و پێشبینیشی بۆ ساڵی داھاتوو بداتە سەرۆکایەتی ئەنجومەنی وەزیران.
لە هەمان کاتیشدا پلانی خۆی بۆ چاندنی گەنم و بنەتۆو لە ھەرێمی کوردستان و پێوەرەکانی وەبەرھێنان و سیاسەتی بازرگانی ھەرێم و بەغدا بۆ پرسی گەنم دەستنیشان بکات.
فەرمانگەی میدیا و زانیاریی حکومەتی هەرێمی کوردستان ده‌شلێت:”بڕیارە بەیانی رۆژی سێشەمە ٢٤-٨-٢٠٢١ کۆبوونەوەکەیەکی دیکە لەو سەر ئەو پرسانە ئەنجام بدرێت و بڕیاری پێویست لەو بارەتەوە بدات.
