تاڵیبان لە نێوان سزاو دانپێداناندا

هێشتا کۆمەڵگەی نێودەوڵەتی هەڵوێستی یەکگرتووی بەرامبەر بە تاڵیبان نەگرتووە، کە لە ناوەڕاستی ئەم مانگەدا (15ی ئابی 2021) کۆنترۆڵی کابولی پایتەختیان کرد، بەڵام چاوەڕوان دەکرێت ڕۆژی سێشەممە لە کۆبوونەوەی سەرکردەکانی G7دا بڕیاری بەكۆ بدرێت.”

دوو سەرچاوەی دبلۆماسی بە ئاژانسی ڕۆیتەرزیان ڕاگەیاندووە :” چاوەڕوان دەکرێت سەرکردەکانی جی 7 بەڵێن بدەن کە لە کۆبوونەوەیەکی گریمانەییدا هەڵوێستی یەکگرتوو بگرنە بەر لەسەر بە فەرمی ناسین یان سەپاندنی سزا بەسەر تاڵیباندا بۆ تاوتوێکردنی بارودۆخی ئەمڕۆی ئەفغانستان.”