سه‌رۆكى حكومه‌تى هه‌رێمى كوردستان بۆ بنەماڵەی پرۆفیسۆر د.نادر نادرۆڤ: خۆم بە هاوبەشی خەمتان دەزانم.
سه‌رۆكى حكومه‌تى هه‌رێمى كوردستان پرسه‌نامه‌يه‌ك بۆ كۆچى دوايى پرۆفیسۆر د.نادر نادرۆڤ بڵاو ده‌كاته‌وه كه له به‌شێكى په‌يامه هاتووه:” بە داخێکی زۆرەوە هەواڵی کۆچی دوایی زانا و کەسایەتیی نیشتمانپەروەری ناسراوی کوردی کازاخستان پرۆفیسۆر د. نادر نادرۆڤ-م پێگەیشت، پرسە و سەرەخۆشیتان لێ دەکەم و خۆم بە هاوبەشی خەمتان دەزانم.
ده‌قى پرسەنامەی سەرۆکی حکومەتی هەرێمی کوردستان.
بۆ بنەماڵەی پرۆفیسۆر د.نادر نادرۆڤ
بە داخێکی زۆرەوە هەواڵی کۆچی دوایی زانا و کەسایەتیی نیشتمانپەروەری ناسراوی کوردی کازاخستان پرۆفیسۆر د. نادر نادرۆڤ-م پێگەیشت، پرسە و سەرەخۆشیتان لێ دەکەم و خۆم بە هاوبەشی خەمتان دەزانم. خوای دلۆڤان گیانی بە بەهەشت شاد بکات و سەبر و ئارامییش بە ئێوە ببەخشێت.
مەسرور بارزانی
سەرۆکی حکومەتی هەرێمی کوردستان
