ڤیتۆ بۆ كوشتارگه‌ی سوریا به‌كارده‌هێنرێت

خواكوڕك

سه‌ره‌تا ئه‌م هه‌فته‌یه‌ له‌ڕیگه‌ی بڕیارنامه‌یه‌كه‌وه‌ هه‌ریه‌كه‌ له‌ به‌ریتانیا و فه‌ره‌نسا و ئه‌مریكا گه‌ڵاله‌ بڕیارێكیان خسته‌ به‌رده‌م ئه‌نجوومه‌نی ئاسایشی سه‌ر به‌نه‌ته‌وه‌ یه‌كگرتووه‌كان له‌كۆی ده‌نگی 15 ئه‌ندام 9 ده‌نگی به‌ده‌ست هێنا، به‌ڵام بڕیاره‌كه‌ ڤیتۆ كرا.

دوای ئه‌وه‌ی بولیڤیا دژی بڕیاره‌كه‌ ده‌نگی دا و كازاخستان و ئه‌سیۆپیا و میسریش به‌ بێ لایه‌ن ده‌نگیان به‌ بڕیارنامه‌كه‌ دا، دواتر هه‌ریه‌كه‌ له‌ رووسیا و چین له‌ ئه‌نجوومه‌نی ئاسایشی نه‌ته‌وه‌ یه‌كگرتووه‌كان ئه‌و بڕیاره‌یان ڤێتۆ كرد.

به‌پێی بڕیاره‌كه‌، ١١ كه‌سایه‌تی و ١٠ دامه‌زراوه‌ی سووریا به‌هۆی به‌كارهێنانی چه‌كی كیمیایی سزای جۆراو جۆریان به‌سه‌ر ده‌سه‌پێنرا، كه‌ پێشتر له‌لایه‌ن رێكخراوی قه‌ده‌غه‌كردنی چه‌كی كیمیایی كه‌ به‌ OPCW سه‌لمێرابوو له‌ساڵانی 2014-2015 كه‌ تاوانه‌كه‌ی رژێمی سوریا له‌ سێ گوند ئه‌نجامدرابوو.