به‌هۆی تۆپبارانی توركیا بۆ سه‌ر باره‌گاكانی په‌كه‌كه دوو هاووڵاتی له شیلادزێ بریندار بوون
دوای نیوه‌ڕۆی ئه‌مڕۆ پێنجشه‌ممه، به‌هۆی تۆپبارانی تۆپخانه‌كانی توركیا بۆ سه‌ر بنكه‌و باره‌گاكانی په‌كه‌كه دوو هاوڵاتی خه‌ڵكی گوندی سیته‌ی سه‌ر به ناحیه‌ی شیلادزێ بریندار بوون.
سەرچاوەیەکی ئاگادار لە سنوورەکە رای گەیاند: دوای نیوه‌ڕۆی ئه‌مڕۆ له گوندی سیدان، له سنووری نێروه و ڕێكان دوو هاووڵاتی گوندی سیته كه دانیشتووی كۆمه‌ڵگای سیرێی سه‌ر به ناحیه‌ی شیلادزێن به‌هۆی تۆپبارانی تۆپخانه‌كانی سوپای توركیا بریندار بوون.
ئەو سەرچاوەیە راشی گه‌یاند: یه‌كێك له برینداره‌كان به‌هۆی سه‌ختی برینه‌كه‌ی بۆ نه‌خۆشخانه‌ی فریاكه‌وتنی دهۆك به‌ڕێكراوه و برینداره‌كه‌ی تریش ناردراوه‌ته‌وه ماڵه‌وه.
