پرسه‌نامه‌يه‌ك له سه‌رۆكى هه‌رێمى كوردستانه‌وه
نێچیرڤان بارزانی،سەرۆکی هەرێمی کوردستان بۆ كۆچى دوايى هونەرمەندی ناسراوی بواری شانۆ و دراما عەبدوڵڵای خەیات پرسه‌نامه‌يه‌ك بڵاو ده‌كاته‌وه.
ده‌قى پرسه‌نامه‌ى سه‌رۆكى هه‌رێمى كوردستان
بەداخەوە هەواڵی کۆچی دوایيی هونەرمەندی ناسراوی بواری شانۆ و دراما خوالێخۆشبوو عەبدوڵڵای خەیات ـ م پێگەیشت.
پرسه و سەرەخۆشی له بنەماڵە و کەسوکار و دۆست و هاوڕێیانی و له هونەرمەندانی سلێمانی و کوردستان دەکەم و هاوخه‌ميانم.
لە خوای مەزن داواکارم گيانى خوالێخۆشبوو به به‌زه‌يى و میهرەبانيی خۆی شاد بكات و سەبووری و ئارامی بە هەموو لایەک ببەخشێت.
نێچیرڤان بارزانی
سەرۆکی هەرێمی کوردستان
2021/9/4
