سوپای پاسداران شیعەكانی ئەفغانستان و پاكستان دەگوازێتەوە بۆ شەڕی سوریا
خواكوڕك
بە پێی ڕاپۆرتێكی پێگەی ” دارونا ” ئەوە خراوەتە ڕوو كە سوپای پاسداران موسڵمانە شیعەكانی ( ئەفغانستان و پاكستان ) دەگوازێتەوە بۆ شەڕ لە سوریا و پشتگیریكردن لە بەشار ئەسەد و ڕژێمی سوری ، یەكێك لەو هێزانەی كە ناوی (لیوای فاتمیۆن ) و پێكهاتووە لە شیعەی ئەفغانی و (لیوای زەینەبیون ) كە پێكهاتەكەی لە شیعەی پاكساتانیە بە هاوبەشی و لە پاڵ سوپای پاسداران و خزبوڵا بۆپاراستن و مانەوەی ئەسەد و ڕژێمەكەی شەڕ لە دژی گروپەكانی تر دەكەن .
بە پێی ڕاپۆرتەكە لە چەند ساڵی ڕابردوودا سەدان شەڕكەر لە موسڵمانە شیعەكانی (ئەفغانی و پاكستانی ) ڕاهێنانیان لە سوریا لە ژێر دەستی فەرماندەكانی پاسداراندا بینیوە ، هەروەها ئاماژە بەوەشكراوە كە لیوای (فاتیمۆن ) ی ئەفغانی نزیكەی (20,000 ) بیست هەزار شەڕكەری هەیە و بەڵام لیوای (زەینەبیون ) بچوكترە و لە ساڵی (2013 ) وە ئەركی پاسەوانیكردن و پاراستنی جیگا پیرۆزەكانی شیعەی لە سوریا پێسپێردراوە ، بەڵام لە ساڵی (2015 ) بە هۆی گەورەبوونی لیواكەیانەوە سەرباری پاسەوانیكردنی شوینەوارە پیرۆزەكانی شیعە لە سوریا بەشداری شەڕەكانی دەوروبەری (دەرعاو حەڵەب ) ی كردووە ..
شایەنی ئاماژە پێدانە هەردوو لیواكە لەلایەن سوپای پاسدارانی ئێرانەوە دامەزراون ، مەشق و ڕاهینان و پڕچەك كراون ، هەربە پێی ڕاپۆرتەكە سوپای پاسداران مانگانە نزیكەی (500 $) دۆلار دەدات بە چەكدارەكان و مۆڵەتی مانەوەش لە ئێران دەبەخشێتە خۆیان و ئەندامانی خێزانی ئەو شەڕكەرانەیش كە لە سوریا دەكوژرێن .
