بۆڕێڵ: گفتوگۆیه‌كی باشمان له‌گه‌ڵ سه‌رۆك وه‌زیرانی هه‌رێمی كوردستان كرد
جێگری سەرۆكی كۆمیسیۆنی ئەورووپا و بەرپرسی سیاسەتی دەرەوە و ئاسایشی ئەورووپا، له‌باره‌ى كۆبوونه‌وه‌ى له‌گه‌ڵ مه‌سرور بارزانى ده‌لێ: گفتوگۆیه‌كی باشیان له‌گه‌ڵ سه‌رۆك وه‌زیرانی هه‌رێمی كوردستان كردووه.
له تویتێكدا ئه‌مڕۆ چوارشه‌ممه 8/9/2021 جۆزێپ بۆرێڵ، جێگری سەرۆكی كۆمیسیۆنی ئەورووپا و بەرپرسی سیاسەتی دەرەوە و ئاسایشی ئەورووپا، و سه‌باره‌ت به كۆبوونه‌وه‌ى له‌گه‌ڵ مه‌سرور بارزانى، سه‌رۆكوه‌زيرانى هه‌رێمى كوردستان و نووسيوويه‌تى: گفتوگۆیەکی باشمان لەگەڵ مەسرور بارزانی، سەرۆک وەزیرانی هەرێمی کوردستان هەبوو.
له به‌شێكی تویته‌كه‌یدا، بۆڕێڵ نووسيوويه‌تى: باسمان لە هەڵبژاردنەکانی داهاتوو و بابەتی کۆچبەری و بارودۆخی پەنابەران لە هەرێمەکە کرد.
بۆڕێڵ باسى له‌وه‌شكردووه، كه فرەڕەنگی هەم بۆ عێراق و هەمیش بۆ یەکێتیی ئەورووپا هێز و سەرمایەیە.”
رۆژی سێشەممە 7-9-2021 جۆزێپ بۆرێل، بەرپرسی سیاسەتی دەرەوەی یەکێتیی ئەوروپا لە هەولێر لەگەڵ نێچیرڤان بارزانی، سەرۆکی هەرێمی کوردستان، سەرۆک مەسعود بارزانی و مەسرور بارزانی، سەرۆکوەزیرانی هەرێمی کوردستان کۆبووەوە.
Good conversation with Prime Minister of Kurdistan region @masrour_barzani today.
We discussed the upcoming elections, migration and the situation of IDPs in the region.
Diversity is an asset and strength for Iraq and the EU alike. pic.twitter.com/EREUT2YzyB
— Josep Borrell Fontelles (@JosepBorrellF) September 7, 2021
