سلێمانی.. حكومه‌ت بە 231 ملیۆن دینار شەش پرۆژەی خزمەتگوزاری جێبەجێ دەكات

.

وه‌زاره‌تى شاره‌وانى و گه‌شتوگوزارى حكومه‌تى هه‌رێمى كوردستان ئه‌مرۆ پێنج شه‌ممه‌ 9-9-2021 رايگه‌ياند:” بە مەبەستی بەرزكردنەوەی ئاستی خزمەتگوزاری و بۆ جێبەجێكردنی شەش پرۆژە لە سنووری شارەوانییەكانی بەرزنجە، سەرگەڵوو، شارەزوور، پێنجوێن و دەربەندیخان، وەزارەتی شارەوانی و گەشتوگوزار فەرمانێكی وەزاری دەركرد بۆ خەرجكردنی گوژمەی 232 ملیۆن دینار بۆ تەواوكردنی ئەو پرۆژانە.

وه‌زاره‌تى شاره‌وانى ده‌شلێت: كۆی گوژمەكە (231,766,610) دووسەد و سی و یەك ملیۆن و حەفت سەد و شەست و شەش هەزار و شەش سەد و دە دینارە و لەسەر ڕێژەی 15%ی داهاتی بەڕێوەبەرایەتیی گشتیی شارەوانییەكانی سلێمانی بە مەبەستی جێبەجێكردنی دەرخستەی ئەم شەش پرۆژەیەی ئاماژەیان پێ كراوە.

1-دروستكردنی باخچەیەك لە سنووری شارەوانیی بەرزنجە.

2-كۆنكرێتكردنی كۆڵان لە سنووری شارەوانیی سەرگەڵوو.

3-قیڕتاوكردنی یەك شەقامی سەرەكی و دانانی كریبستۆن لە سنووری شارەوانیی شارەزوور.

4-قیڕتاوكردنی یەك شەقامی سەرەكی بە بایندەر لە سنووری شارەوانیی شارەزوور.

5-نۆژەنكردنەوەی قیڕی شەقامەكانی ناو پێنجوێن.

6- دروستكردن و سیانەكردنی (باراناو، مەنهۆڵ، ئاوەڕۆ، قیڕی گشتی چەند كۆڵانێك لە دەربەندیخان.