حكومه‌تى هه‌رێم 400 ملیۆن دینار بۆ پڕۆژەیەکى ئاو لە سلێمانى خەرج دەکات

لە نوسراوێکدا کە واژۆى ئاوات جەناب نورى، وەزیرى دارایى و ئابورى حکومەتى هەرێمى لەسەرە و به‌ژماره‌ 7712 له‌ به‌روارى  29-8-2021 پاڵپشت به‌ نووسراوى سه‌رۆكابه‌تى ئه‌نجوومه‌نى وه‌زيرانى هه‌رێمى كوردستان، ده‌رچووه‌ و ئاڕاستەى پارێزگاى سلێمانى کراوە و تێدا هاتووه‌، رازین بە جێبەجێکردنی پرۆژەی دروستکردنی راکێشانی بۆری ئاو بۆ جیاکەرەوەکانی 39 یەکانی نزیک فڕۆکەخانەی سلێمانی لە گەڕەکی راپەڕین بە گوژمەی 406 ملیۆن و 240 هەزار و 500 دینار بە کۆدی 21-3300006 بەپێی رێنمایی ژمارە 2ـی ساڵی 2016ـی وەزارەتی پلاندانان رێنماییەکان جێبەجێکردنی گرێبەستە حکومەییەکان.

له‌ نووسراوه‌كه‌ى وەزارەتى دارایى و ئابورى هه‌روه‌ها هاتووه‌، خه‌رج كردنى ئەو بڕە پارەیە بەپێى رێنمایى ژمارە دووى ساڵى (2016)ى وەزارەتى پلاندانان خەرج دەکرێت، کە تایبەتە بە جێبەجێ کردنى گرێبەستە حکومییەکان.