له‌باره‌ی كوتانی منداڵان ته‌ندروستی سلێمانی راگه‌یانراوێك بڵاوده‌كاته‌وه‌

خواكوڕك

بەڕێوەبەرایه‌تی خۆپاراستنی تەندروستی سلێمانی رایده‌گه‌یه‌نێت، رۆژی دووشەممە 6ی ئازاری 2017 هەڵمەتی نیشتیمانیی کوتانی منداڵان لە دژی ئیفلیجی دەستپێدەکات و بۆ ماوەی پێنج رۆژ بەردەوامدەبێ.

به‌پێی راگه‌یانراوه‌كه‌ی بەڕێوەبەرایه‌تی خۆپاراستنی تەندروستی سلێمانی، هەڵمەتەکە هەموو منداڵانی خوار تەمەنی پێنج ساڵان دەگرێتەوە و تیمەکانی کوتان بە پێناسی تایبەتەوە ماڵ بە ماڵ دەگەڕێن و پێکوتەکەش لە رێگەی دەمەوە دەدرێ.

له‌باره‌ی ئه‌و كوتانه‌ی پێشتر بۆ مناڵه‌كه‌ كراوه‌ بەڕێوەبەرایه‌تی خۆپاراستنی تەندروستی سلێمانی رایگه‌یاند، کە کوتانی پێشووتری منداڵ لە دژی ئیفلیجی منداڵ رێگر نییە لەبەردەم کوتانی ئەمجارەدا.