سەرۆکی حکوومەتی هەرێمی کوردستان پێشوازی لە سەرۆک کۆماری عێراق دەکات
![](https://xwakurk.com/wp-content/uploads/2021/09/سەرۆکی-حکوومەتی-هەرێمی-کوردستان-پێشوازی-لە-سەرۆک-کۆماری-عێراق-دەکات.jpg)
سەرۆکی حکوومەتی هەرێمی کوردستان پێشوازیی له سەرۆک کۆماری عێراق كرد، له دیدارهكهدا جەخت لە پێویستیی چارەسەركردنی كێشە هەڵپەسێردراوەكانی نێوان حكوومەتی فیدراڵی و هەرێمی کوردستان لەسەر بنەمای دەستوور، کرایەوە.
ئەمڕۆ هەینی 17/9/2021، مەسرور بارزانی، سەرۆکی حکوومەتی هەرێمی کوردستان، پێشوازیی لە بەرهەم ساڵح، سەرۆک کۆماری عێراق کرد، لە دیدارەکەدا دوا پەرەسەندنەکانی عێراق و ناوچەکە و پەیوەندییەکانی نێوان هەرێمی کوردستان و حکوومەتی فیدراڵی تاوتوێ کرا، ههروهها جەخت لە پێویستیی چارەسەركردنی كێشە هەڵپەسێردراوەكانی نێوان حكوومەتی فیدراڵی و هەرێمی کوردستان لەسەر بنەمای دەستوور، کرایەوە.
لە تەوەرێكی دیکەی كۆبوونەوەكەدا، گفتوگۆ دەربارەی هەڵبژاردنەکانی ئەنجوومەنی نوێنەرانی عێراق کرا، کە پێویستە هەڵبژاردنێكی پاك و بێگەرد بەڕێوە بچێت و ماف و خواستی سەرجەم پێكهاتەكانی عێراق دەستەبەر بكات، ههروهها ببێتە ھۆی سەقامگیربوونی دۆخی عێراق.