نێچیرڤان بارزانی: خۆشحاڵ بووم له‌گه‌ڵ بۆریس جۆنسن كۆبوومه‌وه
نێچيرڤان بارزانى، سه‌رۆكى هه‌رێمى كوردستان باس له كۆبوونه‌وه‌ى له‌گه‌ڵ سه‌رۆكوه‌زيرانى به‌ريتانيا ده‌كات و ده‌لێ: چەند بابەتێکی گرنگمان تاوتوێ کرد وەک پەیوەندیيه‌كانی بەریتانیا و ھەرێمی کوردستان، ھەڕەشەی تیرۆر و سەقامگیریی ڕۆژھەڵاتی ناوەڕاست.
له تویتێكدا نێچیرڤان بارزانی سه‌رۆكی هه‌رێمی كوردستان دواى كۆبوونه‌وه‌ى له‌گه‌ڵ بۆريس جۆنسنى سه‌رۆكوه‌زيرانى به‌ريتانيا ئه‌مرۆ هه‌ينى له په‌يجى فه‌رميى خۆى له تۆڕى كۆمه‌ڵايه‌تى تويته‌ر نووسيوويه‌تى: خۆشحاڵ بووم ئەمڕۆ هه‌ینی لەگەڵ بەڕێز بۆریس جۆنسن سەرۆک وەزیرانی بەریتانیا لە لەندەن کۆبوومەوە.
سه‌رۆكی هه‌رێمی كوردستان له تویته‌كه‌دا هه‌روه‌ها نووسیویه‌تی: چەند بابەتێکی گرنگمان تاوتوێ کرد وەک پەیوەندیيه‌كانی بەریتانیا و ھەرێمی کوردستان، ھەڕەشەی تیرۆر و سەقامگیریی ڕۆژھەڵاتی ناوەڕاست.
نێچيرڤان بارزانى هه‌روه‌ها له تويته‌كه‌يدا زياتر نووسيوويه‌تى: سوپاسی سەرۆک وەزیرانی به‌ریتانیا دەکەم بۆ پشتگيريى بەڕێزیان بۆ پته‌وكردنى پەیوەندییەکانی وڵاتەکەی لەگەڵ ھەرێمی کوردستان و عیراق به تايبه‌تى له بوارى ئابووريدا.
Delighted to meet the British PM @BorisJohnson in Londan today. We discussed KR-UK ties, increased threat of terror, regional stability and areas of potential cooperation, including economy. I appreciate the PM’s continued commitment to further strengthening ties with KR & Iraq. pic.twitter.com/mRPeQNnkp7
— Nechirvan Barzani (@IKRPresident) September 17, 2021
