ئه‌ڵمانیا له‌هاوكاریكردنی پێشمه‌رگه به‌رده‌وام ده‌بێت
وه‌زاره‌تی پێشمه‌رگه‌ی حكومه‌تی هه‌رێمی كوردستان ده‌لێ، له دیداری کۆڵۆنێڵ مايەر له وەزارەتی بەرگری ئەڵمانیا و کۆڵۆنێڵ كای بەرپرسی پڕۆژەکانی ئەڵمانیا لە هەرێمی كوردستان، له‌گه‌ڵ فریق جەمال محه‌مه‌د، سەرۆکی ئەرکانی وەزارەتی پێشمەرگە، جه‌خت له بەردەوامی هەماهەنگی و هاوکارییەکانی حکومەتی ئەڵمانیایان بۆ وەزارەتی پێشمەرگە، دووپات کردەوە.
وه‌زاره‌تی پێشمه‌رگه‌ى حكومه‌تى هه‌رێمى كوردستان له راگه‌ياندراوێكدا له باره‌ى ناوه‌ڕۆكى كۆبوونه‌وه‌كه‌يان رایگه‌یاندووه، له‌و دیداره‌دا شاندی ئه‌ڵمانی بەردەوامی هەماهەنگی و هاوکارییەکانی حکومەتی ئەڵمانیایان بۆ وەزارەتی پێشمەرگە دووپات کردەوە.
وه‌زاره‌تى پێشمه‌رگه ده‌شلێ، ئه‌ڵمانيا بەردەوام دەبن لە کارکردن لەگەڵ هێزەکانی پێشمەرگە لەبواری ڕاوێژکارەکارییەوە لە هەرێمی کوردستان.
به‌پێ ى راگه‌ياندراوه‌كه‌ى وه‌زاره‌تى پێشمه‌رگه، سەرۆکی ئەڕکان جگە لەوەی سوپاسی حکومەت و گەلی ئەڵمانیای کرد، ئامادەیی وەزارەتی پێشمەرگەی پیشان دا، بۆ هەموو هەماهەنگی و هاوکاریەک لەگەڵ تیمەکانی سوپای ئەڵمانیا لەکوردستان بۆ باشتر بەرەوپێشبردنی کارەکان و پتەوتر کردنی پەیوەندیەکانی سوپای ئەڵمانیاو هێزەکانی پێشمەرگە.
