بەڤیدیۆ.. دەیان چەکداری پەکەکە سەنگەرەکانیان بە جێهێشت و پەیوەندییان بە هێزی پێشمەرگەوە کرد
ئەمڕۆ شەممە 25/9/2021، دەیان چەکداری پارتی کرێکارانی کوردستان (پەکەکە) لە چیای شنگال سەنگەرەکانیان بە جێهێشت و پەیوەندییان بە هێزەکانی پێشمەرگەی کوردستانەوە کرد.
لەمبارەیەوە ئاشتی کۆچەر، بەرپرسی لقی17ی پارتی دیموکراتی کوردستان لە شنگال بە (کوردستان24)ی راگەیاندووە:51 چه‌كداری پەکەکە لە چیای شنگال ریزەکانی پەکەکەیان جێهێشت و په‌یوه‌ندییان به هێزی پێشمەرگە لە فەرماندەی شنگال كرد.
فەرماندەی ئەم چه‌كدارانه کە ناوی (شەهاب قاسم حەسەن)ە، بە (کوردستان24)ی راگەیاند: ئەوان بارەگاکەیان لە ناوچەی زۆراڤای سەر بە ناحیەی سنوونێ بوو، دوای پێنج مانگ لە ناو ریزەکانی پەکەکەوە گەیشتینە ئه‌و بڕوایه‌ی، پەکەکە خزمەتی میللەتی ئێمە ناکات، بۆیە پەیوەندیمان بە فەوجی یه‌كی پێشمەرگەی فەرماندەی شنگالەوە کرد.
هەروەها ئەو فەرماندەی پەکەکە ئەوەشی خستووەتە روو: بەرپرسی لقی 17ی پارتی، پەیوەندی بە ئێمەوە کردووە و ئێمەش سوپاسی خۆمان بۆ پارتی و حکوومەتی هەرێمی كوردستان دەردەبڕین، کە هەموو کاتێک هاوکاری ئاوارەکانی شنگال دەکەن و یارمەتییان دەدەن.
