به‌چاودێری مه‌سرور بارزانی سبه‌ی 2 پڕۆژه‌ی گرنگی كاره‌با له‌مه‌خمور به بڕى نزيكه‌ى 2 مليار دينار ده‌كرێته‌وه
وه‌زاره‌تی كاره‌بای حكوومه‌تی هه‌رێمی كوردستان رايده‌يگه‌ينێت:سبه‌ى دووشه‌ممه، 2 پڕۆژه‌ی گرنگی كاره‌با له‌مه‌خمور ده‌كرێته‌وه.
وه‌زاره‌تی كاره‌بای حكوومه‌تی هه‌رێمی كوردستان له راگه‌یاندراوێكدا،كه ئه‌مرۆ يه‌كشه‌ممه 26-9-2021 بڵاویكرده‌وه رايگه‌ياند:”لەژێر چاودێری رێزدار مەسروور بارزانی سەرۆكی حكومەتی هەرێمی كوردستان، سبه‌ی دووشه‌ممه 27 ى 9 ى 2021 ، لە مەراسیمێكدا، بە ئامادەبوونی وەزیری كارەبا و پارێزگاری هەولێر دوو پرۆژەی گرنگی كارەبا بەگوژمەی (1 ملیار و 742 ملیۆن دینار) لە مەخموور دەكاتەوە.
وه‌زاره‌تى كاره‌با راشيگه‌ياند:” هه‌ردوو پڕۆژه‌كه‌ی كاره‌با كه ده‌كرێته‌وه بریتیه له وێستگەی كارەبای بنار لە مەخموور كە لەلایەن كۆمپانیای (گرشین) دانراوە له‌گه‌ڵ راكێشانی فیدەرێكی 33 كەی ڤی لە قەراج لەلایەن كۆمپانیای (پاڵۆس)ەوە جێبەجێ كراوە.
