قه‌هوه‌چى: بەھۆی پێداگریی سەرۆك بارزانی و پارتی لەسەر مافی پێکهاتەکان، دەنگ بە كاندیدانی پارتی ده‌ده‌ين.
دواى ئه‌وه‌ى پێشتر 19 پارت و رێکخراوی توركمانی لە ھەرێمی كوردستان پشتگیری خۆان بۆ کاندیدانی پارتی راگەیاند و بڕیاریان دا دەنگ بە کاندیدەکانی ئەو حزبە بدەن.ئه‌مرۆش جێگری سكرتێری پارتی چاكسازیی توركمانی گوتى، بەھۆی پێداگریی سەرۆك بارزانی و پارتی دیموكراتی كوردستان لەسەر مافی پێکهاتەکان، بڕیاریان داوە دەنگ بە كاندیدانی پارتی بدەن.
لە كۆنگرەیەكی رۆژنامەوانیدا ئه‌مرۆ چوارشه‌ممه 6-10-2021، مونا قه‌هوەچی، جێگری سكرتێری پارتی چاكسازی توركمانی رایگەیاند، لە كۆبونەوەی سەرجەم حزب و پارتە سیاسیەكان لە ھەولێر “بریارماندا دەنگ بە کاندیدانی پارتی بدەین”.
جێگری سکرتێری پارتی چاکسازیی تورکمانی راشیگەیاند: سەرۆك بارزانی لە کوردستان و عێراق زۆر پێداگری لەسەر مافی پێكھاتەكان بە تایبەت پێكھاتەی توركمان کردووە، “بۆیە ئێمە بڕیارمان داوە دەنگ بدەینە كاندیدانی پارتی”.
قه‌هوه‌چى گوتيشى:” شتێكی ئاسایە لە کاتی بانگەشەدا ھەموو شت بگوترێت ، بەڵام گرنگترین شت ئەوەیە دوای ھەڵبژاردن لایەنەكان لەبەغدا یەكدەنگ بن.”
