نێچيرڤان بارزانى: جه‌ژنا جه‌مايێ ل هه‌موو خويشك و برايێن مه يێن ئێزدى، ب گه‌رمى و ژ دل پيرۆز دكه‌م
نێچيرڤان بارزانى، سه‌رۆكى هه‌رێمى كوردستان ژبۆ جه‌ژنا جه‌مايێ په‌يامه‌كا پيرۆزباهيێ بڵاڤكر و ل به‌شه‌كێ په‌يامێ هاتيه:” د ڤێ هه‌لكه‌فتنێدا ديسا هه‌مى خويشك و برايێن خۆ يێن ئێزدى پشتڕاست دكه‌ين كو هندى ئێزدييه‌ك ڕه‌ڤاندى مابيت، ئه‌م دێ لسه‌ر هه‌ولێن خۆ يێن ڕزگاركرن و دياركرنا چاره‌نڤيسێ وان به‌رده‌وام بين، هه‌روه‌سا دێ هه‌مى هه‌ولا ده‌ين ژبۆ ڤه‌گه‌ڕاندنا هه‌مى ئاواره‌يێن ئێزدى ژبۆ سه‌ر مال و جهێن وان.
ده‌قێ په‌ياما پيرۆزباهيێ يا سه‌رۆك نێچيرڤان بارزانى ژبۆ جه‌ژنا جه‌مايێ:…
جه‌ژنا جه‌مايێ ل هه‌موو خويشك و برايێن مه يێن ئێزدى ل كوردستانێ و ل هه‌ر ده‌ره‌كا جيهانێ بن، ب گه‌رمى و ژ دل پيرۆز دكه‌م، هيڤيدارم جه‌ژنه‌كا خۆش و ئارام ده‌رباز بكه‌ن و هيڤى و خۆزييێن وان بجھ بێن.
مخابن ئيسال ژى جه‌ژن د ده‌مه‌كێدا ڤه‌دگه‌ڕيت كو هێشتا ب هزاران خوشك و برايێن مه يێن ئێزدى يێن ڕه‌ڤاندييێن ده‌ستێ تيرۆرستێن داعش وندانه، هه‌روه‌سا ب هزاران ماڵباتێن وان ژى ژبه‌ر كو نكارن ڤه‌گه‌ڕنه سه‌ر جھ و مالێن خوه، هێشتا د كه‌مپادا دژين.
د ڤێ هه‌لكه‌فتنێدا ديسا هه‌مى خويشك و برايێن خۆ يێن ئێزدى پشتڕاست دكه‌ين كو هندى ئێزدييه‌ك ڕه‌ڤاندى مابيت، ئه‌م دێ لسه‌ر هه‌ولێن خۆ يێن ڕزگاركرن و دياركرنا چاره‌نڤيسێ وان به‌رده‌وام بين، هه‌روه‌سا دێ هه‌مى هه‌ولا ده‌ين ژبۆ ڤه‌گه‌ڕاندنا هه‌مى ئاواره‌يێن ئێزدى ژبۆ سه‌ر مال و جهێن وان.
ديسا جه‌ژنا جه‌مايێ پيرۆ بيت، هه‌ر سال ب خێر و خۆشى،
ڕێز و سلاڤ ژبۆ هه‌مى ئێزدييان.
نێچيرڤان بارزانى
سه‌رۆكێ هه‌رێما كوردستانێ
6/10/2021
