ئومێد خۆشناو: هاوپەیمانان هەندێک چەک و تەقەمەنی به‌سه‌رچوو له‌ناوده‌به‌ن
ئومێد خۆشناو پارێزگاری هه‌ولێر له‌باره‌ی بیستنی ده‌نگی چه‌ند ته‌قینه‌وه‌یه‌ك له هه‌ولێر روونكرده‌وه ده‌دات.
ئه‌مڕۆ پێنجشه‌ممه 14ى 10ى 2021 ، ئومێد خۆشناو پارێزگاری هه‌ولێر به ده‌زگاكانی راگه‌یاندنی راگه‌یاند: ئه‌مڕۆ هاوپه‌یمانان به‌هه‌ماهه‌نگی له‌گه‌ڵ ده‌زگا ئه‌منییه‌كانی هه‌رێمی كوردستان له‌ناوچه‌یه‌كی سنوری هه‌ولێردا چه‌ند جۆره چه‌كێك و مادده‌یه‌كی ته‌قینه‌وه و بۆمبی به‌سه‌رچوو ده‌ته‌قێننه‌وه.
راشیگه‌یاند: چه‌ك و جۆری مادده‌ی ته‌قینه‌وه و بۆمبه‌كان ئێكسپایه‌رن و بۆیه له‌ساتی ته‌قینه‌وه‌یاندا باهاووڵاتییان ترسیان نه‌بێت و نیگه‌ران نه‌بن .
بەیانی ئەمڕۆ پێنجشەممەش دەنگی تەقینەوەیەکی گەورە بیسترا، له به‌شێك له‌ناوچه‌كانی شاری هه‌ولێردا هاووڵاتییان گوێیان لێ بووه.
