كۆبوونه‌وه‌ی پارتی و سۆسیالیست له سلێمانی ده‌ستی پێكرد
كۆبوونه‌وه‌ی شاندی پارتی له پارێزگای سلێمانی له‌گه‌ڵ پارت و لایه‌نه سیاسییه كوردستانییه‌كان به‌رده‌وامه.
دوای كۆبوونه‌وه‌ی شاندی پارتی له‌گه‌ڵ هه‌ریه‌كه له یه‌كێتی نیشتیمانی كوردستان و بزووتنه‌وه‌ی گۆڕان ، كه‌مێك پێش ئێستا شاندی پارتی به‌سه‌رۆكایه‌تی فازڵ میرانی گه‌یشته باره‌گای حزبی سۆسیالیست دیموكراتی كوردستان له‌لایه‌ن محه‌مه‌د حاجی مه‌حمود سكرتێر و شاندی باڵای ئه‌و پارته‌وه پێشوازییان لێكرا.
كۆبوونه‌وه‌ی نێوان هه‌ردوو پارت ده‌ستی پێكردووه و تاوتوێی ره‌وشی ناوخۆی هه‌رێم و ناوچه‌كه و ئه‌نجامی هه‌ڵبژاردنی په‌رله‌مانی عێراق و پرسی یه‌كده‌نگی كورد له به‌غدا ده‌كرێت.
دوای ئه‌م كۆبوونه‌وه‌یه شاندی پارتی بریاره له‌گه‌ڵ پارته‌كانی یه‌كگرتوو ، كۆمه‌ڵی دادگه‌ری ، بزووتنه‌وه‌ی ئیسلامیش كۆببێته‌وه .
