نرخی نەوت لەبەرزترین ئاستدا جێگیربووە
ئەمڕۆ سێشەممە بەهای نەوت لەبازارەکانی وزە لەجیهاندا گەیشتە بەرزترین ئاست لەماوەی چەند ساڵی رابردودا و نرخی هه‌ر به‌رمیلێك نه‌وتی برێنت به‌ڕێژه‌ی 0.20 دۆلار به‌رزبونه‌وه‌ی به‌خۆیه‌وه بینی و گه‌یشته 84.53 دۆلار و به‌رمیلێك نه‌وتی ته‌كساسیش به 82.74 دۆلار مامه‌ڵه‌ی پێوه‌كرا.
ئاژانسی هەواڵی رۆیتەرز بڵاویکردەوە، ئەمڕۆ سێشەممە بەهای نەوت گەیشتە بەرزترین ئاست لەماوەی چەند ساڵی رابردودا، کرانەوەی زیاتری بازارەکانی جیهان لەئەنجامی کەمبونەوەی ئامارەکانی توشبون بەکۆرۆنا و زیاتربونی خواست لەسەر بەکارهێنانی سوتەمەنی لەکارگەکان وەک دو سەرەکیترین هۆکاری بەرزبونەوەی نەوت ناودەبرێن.
