هاوپەیمانان کۆمەک و هاوکاری تەندروستیان بەسەر لیواکانی پێشمەرگەدا دابەش کرد
![](https://xwakurk.com/wp-content/uploads/2021/10/هاوپهيمانان-هاوكارى-پزيشكى-هێزهكانى-پِێشمهرگه-دهكهن.jpg)
وهزارهتى پێشمهرگه بلاويكردهوه كه ئهمرۆ پێنجشهممه، هاوپەیمانان کۆمەک و هاوکاری تەندروستیان بەسەر لیواکانی پێشمەرگەدا دابەش کرد.
سەنتەری میدیاى وهزارهتى پێشمهرگهى حكومهتى ههرێمى كوردستان رايگهياند:” بەسەرپەرشتی هێزی هاوپەیمانان و ئامادەبوونی هەریەکە لەبەڕێزان(د. رزگار عهلی) بەڕێوەبەری بەڕێوەبەرایەتی کاروباری پزیشکی گشتی و عەمید کاروان بەڕێوەبەری کۆگاکانی بەڕێوەبەرایەتی میرەی گشتی و عهقید مونیر ئهحمد، مەڕاسیمێک بۆ دابەش کردنی هاوکاری تەندروستی بەسەر لیواکاندا رێکخرا، هێزەکانی هاوپەیمانان، هاوکاری پزیشکیان، بەسەر هەشت لیوای وەزارەتی پێشمەرگەدا دابەش کرد،”
لهبارهى هاوكارييهكانيش وهزارهتى پێشمهرگه دهلێ:” هاوکارییەکان پێکهاتبوون لە چەند جۆڕێک جانتای فریاگوزاری بە شێوە و قەبارەی جیاواز، کە پێشمەرگەکان و یەکەکانی پزیشکی لیواکان، دەتوانن لە کاتی شەڕ و هەر ڕووداوێکی نەخوازراودا سوود لە کەلوپەلەکانی ناو ئەم جانتایانە وەرگرن، هەروەها هاوکارییەکان چەند پێداویستیەکی تری پزیشکی لەخۆ دەگرێت، لەوانە (نقالەی گواستنەوەی برینداران و جانتای کۆڵەپشتی فریاگوزاری سەرەتایی بەهەموو کەلوپەلێکی پێویستی پزیشکیەوە، بۆ ئەو شوێنانەی ئەمبۆلانسی پێ ناگات).
شایانی باسە، ئەم هاوکاریانەی، کە دراون بەم هەشت لیوایە، بەشی یەکەمی کۆمەک و هاوکاریە تەندروستییەکانە بۆ لیواکانی وەزارەتی پێشمەرگە لەلایەن هاوپەیمانانەوە، لەهەفتەی داهاتوودا هەمان هاوکاری بەسەر گشت لیواکانی تری سەر بە وەزارەتی پێشمەرگە دابەشدەکرێن، بۆ ئەم مەبەستە، هاوپەیمانان لەگەڵ بەڕێوەبەرایەتی کاروباری پزیشکی گشتی و بەڕێوەبەرایەتی میرەی گشتی، لە پەیوەندی بەردەوام دان، بۆئەوەی لە داهاتوویەکی نزیکدا، هەر پێداویستیەک و کەم و کوڕیەک لە ناو هێزەکانی پێشمەرگەدا هەبێت، بۆیان دابین بکەن.
لەکۆتایی مەڕاسیمەکەدا، هاوپەیمانان ئەو ئازایەتیەی هێزەکانی پێشمەرگەیان بەرزنرخاند، لەبەرامبەر تێکشکاندنی تیرۆرستانی داعش، بەقارەمانێتیەکی بێوێنەیان وەسف کرد.
![](https://xwakurk.com/wp-content/uploads/2021/10/246724913_4392163247487500_3313758589126747284_n-300x156.jpg)
![](https://xwakurk.com/wp-content/uploads/2021/10/246724920_4392163237487501_237789736281237159_n-300x156.jpg)
![](https://xwakurk.com/wp-content/uploads/2021/10/247236737_4392163250820833_3616782867947818914_n-300x156.jpg)
![](https://xwakurk.com/wp-content/uploads/2021/10/247251055_4392163240820834_841832186523895520_n-300x156.jpg)
![](https://xwakurk.com/wp-content/uploads/2021/10/247278513_4392163244154167_3045503151512633049_n-300x156.jpg)
![](https://xwakurk.com/wp-content/uploads/2021/10/247643737_4392163257487499_7953120357511304442_n-300x157.jpg)