سەرۆکی حکومەتی هەرێمی کوردستان پێشوازی لە باڵیۆزی هیندستان لە عێراق دەکات
![](https://xwakurk.com/wp-content/uploads/2021/10/سەرۆکی-حکومەتی-هەرێمی-کوردستان-پێشوازی-لە-باڵیۆزی-هیندستان-لە-عێراق-دەکات.jpg)
ئەمڕۆ دووشەممە 25ی ئۆکتۆبەری 2021 مەسرور بارزانی سەرۆکی حکومەتی هەرێمی کوردستان، پێشوازی لە پراشانت پیسێ باڵیۆزی هیندستان لە عێراق کرد .
لە دیدارەکەدا کە سوبهاش کەین کونسوڵی گشتیی هیندستان لەهەولێر ئامادەی بوو، دوایین پێشهات و گۆڕانکارییەکانی عێراق بەتایبەتی دوای سەرکەوتنی پرۆسەی هەڵبژاردنی ئەنجومەنی نوێنەران و هەروەها پەرەپێدانی پەیوەندییەکانی نێوان هەرێمی کوردستان و هیندستان، تاووتوێ کرا.
هەردوولا خوازیاری بەرەوپێشبردنی پەیوەندییەکانی نێوان هیندستان و هەرێمی کوردستان و فراوانکردنی پەیوەندیی و هەماهەنگیی دوولایەنە بوون، بەتایبەتی لە بوارەکانی ئالوگۆڕی بازرگانی و کولتووری و وەبەرهێناندا.